Yuva
Shaanti ke Liye Prarthna Karna
Lekhika Utah, USA mein rehti hai.
Mere maata-pita aksar girja ke baad sabhaon mein jaate the, aur mai apne teen chote bhaaiyon ki dekhbhaal karti aur unka dopahar ka bhojan banati—bhale hi woh aksar gussa-karte aur bhooke rehte. Zyaadatar jab woh jhagadne lagte, mai us chote samasya se jald nipat leti. Magar kabhi kabhi mushkil hota shaanti laana jab ladaai shuru ho chuki hoti kyunki mai bhi uttejit ho jaati thi.
Ek shaam, mere bhaaiyon ko bahut takleef ho rahi thi saath milkar khelne se. Maine paaya ki mere shaanti laane ke koshishein bekaar hai kyunki mai pareshaan thi. To maine sirf apna bhojan tayyaar kiya aur baat karna band kiya. Ant mein, maine kaha, “Mai prarthna karne jaa rahi hoon. Kya hum ek minute ke liye shaant honge?” Jab woh shaant huwe, maine bhojan par ashirvaad maanga. Prarthna samaapt karne se pehle, maine kaha, “Aur kripya hamein shaanti-rakhne-waale banne mein madad karna.”
Pehle to, woh na sunaai dene ki tarah kiye aur phir se ladne lage. Mujhe gussa aaya tha par mai jaanti thi mujhe jitna ho sake utna prem se bhara aur shaant rehna hoga kyunki mainne abhi abhi shaanti ki prarthna ki hai. Ek minat ke baad, mujhe bahut shaanti ka ehsaas hua. Maine bina kuch kahe khaaya, aur ladkon ne to ladna bhi band kar diya tha. Maine yeh jaana ki jis shaanti ko maine mehsoos kiya ek saadharan prarthna ka jawaab tha. Maine ek shaanti-laane waala rehne ka prarthna kiya tha, aur mere Swarg ke Pita ne mujhe shaant rehna sikhaya tha jabki cheekhne ko ji chahata hai. Mai jaanta hoon ki Woh sach mein hamein shaanti de sakta hai.