Jodikdik ro
Jar kōn Aenōm̧m̧an
Rijeje eo ej jokwe ilo Arizona, USA.
Ro jinō im jema ekkā aer pād ilo kweilo̧k ko ālkin jar, im ij lo an ļaddik ro jilu jatū kōm̧m̧an m̧ōn̄ā in rālep—men̄e ekkā aer inepata im kwōle. N̄e rej jino ire, emōkaj aō mijaļ jorrāān eo. Ak jet iien epen kōm̧m̧an aenōm̧m̧an n̄e rej jino ire.
Juon ālkin rālep, ro jatū eaar pen aer ippān doon. Iaar lo bwe jibadbad eo aō n̄an kōm̧m̧an aenōm̧m̧an ekar kōm̧m̧an bwe enana ļo̧k kōnke iaar illu. Kōn menin iaar make kōm̧m̧an kijō in rālep im jab kōnnaan. Āliktata, iaar ba, “Ij tin jar. Jemaron̄ ke jab keroro?” Ke raar ikūn̄, iaar jar im kōjeraam̧m̧an m̧ōn̄ā eo. Mokta jen aō kōjem̧ļo̧k jar eo, iaar ba, “Jouj im kaenōm̧m̧an kōm̧.”
Kar jinoin, rekōn jab ron̄jake im bar jino ire. Iaar kitōtō ak iaar aikuj in iakwe im ikōn̄ bwe in jar kōn aenōm̧m̧an. Ālkin jidik iien, iaar ikūn̄. Iaar m̧ōn̄ā im jab ba jabdewōt, im ļaddik ro raar bōjrak aer ire. Iaar kile aenōm̧m̧an eo iaar en̄jake ke eaar juon uwaak n̄an jar eo. Iaar jar bwe in juon rikaenōm̧m̧an, im Jemedwōj Ilan̄ eaar jipan̄ bwe in ikōn̄ ke ij tin lamōj. Iaar jeļā bwe Emaron̄ letok n̄an kōj aenōm̧m̧an.