Naan in Katak an Kōrā, Pāpode 2017
Pinmuur eo an Kraist Ej Iakwe eo Em̧ool an Anij
Kanooj jar ilo am̧ ekkatak kōn katak in im pukōt n̄an jeļā ta eo kwonaaj kwaļo̧k.
Tōmak, Baam̧le, Deeor
Meļeļe bwe Jemedwōj Ilan̄ eaar letok Nejin Emake Wōt bwe jen bōk mour jab wabanban im mour indeeo eo eaorōk ej jipan̄ kōj en̄jake iakwe eo an Anij ejjeļo̧k jem̧ļo̧kin im iakwe eo epen kedi n̄an kōj. Ad Rilo̧mo̧o̧r ej barāinwōt iakwe kōj.
“Wōn enaaj kōjepeļ kōj jān iakwe eo an Kraist? …
“Bwe Ij ḷōmṇak e jab mej ak mour, e jab enjeḷ raan ak jetōb ro, e jab men ko kiiō ak men ko renaaj itok,
E jab utiej ak ṃwilaḷ, ak jabdewōt bar juon men in kōṃṃan, enaaj maroñ in kōjepel kōj jān yokwe an Anij, eo ilo Kraist Jisōs ad Irooj” (Rom 8:35, 38–39).
Kōn Pinmuur eo an Jisōs Kraist, Elder D. Todd Christofferson jān Doulul eo an Jon̄oulruo Rijilōk ro eaar ba: “En̄taan eo an Rilo̧mo̧o̧r ilo Gethsemane im en̄taan eo An ioon dōbweel eaar lo̧mo̧o̧reņ kōj jān jerawiwi n̄an mijal lokjak ko bwe jim̧we en pād iood. Ej leļo̧k tūriam̧o̧ im jeorļo̧k bōd n̄an ro rej ukweļo̧k. Pinmuur eo ej barāinwōt kaju bōro kōn m̧uri in ekajet jej m̧uri kaki itok jān kōmour im ņa wōnāāer kōn jabdewōt en̄taan jej kijenmej i. ‘Bwe lo, eaar en̄taan kōn metak ko an aolep men in mour, em̧m̧an, kōrā, im ajri, ro rej jān baam̧le eo an Adam’ (2 Nipai 9:21; lale barāinwōt Alma 7:11–12).”1
Kraist ekar “je [kōj ilo lo̧piden [Pein]” (Aiseia 49:16). Linda K. Burton, Būreejtōn eo Eutiej an Doulul eo an Kōrā ro, eaar ba, “Jerbal eo eļap kōn iakwe eaikuj in jerbal ippād wōj n̄an bukwelōlō ilo jar ettā n̄an kam̧m̧oolol Jemedwōj Ilan̄ kōn an iakwe kōj bwe Eaar jilkintok Nejin Emake Wōt im Nejin ewānōk bwe en en̄taan kōn jerawiwi ko ad, metak ko ad, im aolep men ko ilo mour ko ad make.”2
Kakobaba in Eoon ko im Meļeļe ko
© 2009 jen Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/16. Kōmālim an ukook: 6/16. Ukook eo an Visiting Teaching Message, February 2017. Marshallese. 97922 874
Ļōmņak kōn Menin
Ekōjkan ad kwaļo̧k kam̧m̧oolol im iakwe n̄an Anij im n̄an Jisōs Kraist kōn menin letok in Pinmuur eo an ad Rilo̧mo̧o̧r?