Ngeasek
Meluluuch el kirel a Budech
A milluches a kiei er a Arizona, USA.
A rechad er a blik a mle blechoel nga er a miting sel uriul er a ikelesia, e ngak omes er tirkal tedei el mekekerei el ochedak e meruul a sueleb er tir—e te kmal mle blechoel bechecherd a rengrir e di ngera te songerenger. Ng blechoel sel lomuchel el kakeuad, e ak mereched el sumechekelterir. E ng di a lebebil er a taem e ng meringel a kumtebechel er tir sel lomuchel el kakeuad le ng dirrek el mo checherd a renguk.
A tal sueleb, e tirkal ochedak a kmal mle meringel er tir a mo ta rengrir. Ak mlo metik el kmo ng meringel a kumudech er tir le ngak el dirrek el mle kesib a renguk. Me ak di rirellii a kelek e diak kungedecheduch er tir. Uriul, e ak dulang, “Ak mochu meluluuch. Ng sebeched el mo diak dongerodech el di telkib el taem?” Tia er a bocha lechelellakl, e ak mocha meluluuch lomekngeltengat a ikal kall. Uchei er a bok merek el meluluuch, e ak dilchelii el kmo, “E a kulengit me mrellemam el mo nga er a budech.”
A kot, e ng uaia dimlak el lorrenges e omechelang el kakeuad. Ng mlo ko er a seselk a renguk e ng di ak mle medengei el kmo ng kirek el mo oba beltik el reng e chelellakl le a kmal dirk mlo merek el meluluuch lolengit er a budech. Uriul, e ak mlo omelchesiu el chelellakl a renguk. A kulmengur e kmal diak du el mongerang, me tirkal ochedak a dikea le kakeuad. Ak miltebengar el kmo a budech el kulmelchesiu er ngii a mle nger er a beot el nglunguchek. Ak milluluuch el kirel a budech, e a Demak er a Babeluades a ngilsukak el mo chelellakl a renguk er a taem el mle soak loldiu. Ak medengei el kmo Ngii a meral sebechel meskid a budech.