Kairake
Tataro Ibukin te Rau
E maeka te tia korokaraki i Arizona, USA.
N angiin te tai au karo a iriiri bootaki imwiin te taromauri, ao N na bae n tararuaia teniman mwaaneu aika uarereke ao ni buokiia ni karaoa aia katawanou—e ngae n angiin te tai a kakai-un ao ni kai baki. N aron ae ngkana a moanna n un, I kona n taobaraa te kaangaanga ae uarereke n te tai ae waekoa. Ma n tabetai e boni matoatoa karaoan te rau ngkana e a boo te un ibukina N na bae n rawawata.
Te bwakantaai teuana, mwaaneu a aki rang butiraoi imarenaia. I kunea bwa au konabwai ni karaoa te rau e a kanakobuakai riki bwaai ibukina bwa I un. Ngaia are I a karaoa oin au katawanou ao n aki karongoaa. N te kabane, I katanoata, “N nang tataro. Taiaoka ti kona n aki moa karongoa teutana te miniti. Ngke a nakoraoi, I bubuti kakabwaiaakin te amwarake. Imwaain ae I kaina te tataro,I reitia, “Ao taiaoka buokiira n riki bwa taan raoi.”
N te moan, a taraa n aki ongo ao a manga un riki. I bwainikirinaki ma I ataia bwa I riai n rang tatangira aomata riki ao n rau n aron ae I kona ibukina I a tibwa tia n tataro. Imwiin tabeua te miniti, I namakina te rau. I amwarake n aki karongoa, ao n te kabane a toki uniia ataeinimwaane aikai. I ataia bwa te rau are I namakinna bon kaekaan au tataro ae bebete. I riai n tataro n riki bwa te tia raoi, ao Tamau are i Karawa e buokai n tiku n rau ngkana e a roko te kariiri n takarua. I ataia bwa E kona n anganiira te rau.