Visiting Teaching Amandzɛɛbɔ, Kwakwar 2017

Christ No Werdambɔ Yɛ Nyankopɔn no Ɔdɔ ho Dasegye

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ.

Gyedzi, Ebusua, Mboa

Yɛretse ase dɛ hɛn Ɔsor Egya dze Ne Ba Kortoo no mae ama yeetum enya bɛkyebo na ndaamba yebenya onnyiewiei nkwa no boa hɛn ma yɛtse Nyankopɔn no dɔ a ɔmmbɔ adze da ma hɛn no, a yɛnnkotum atse ase no, ne nkã. Hɛn Agyenkwa so dɔ hɛn.

“Woana bɛtsew hɛn efi Christ dɔ no ho? …

“Na megye dzi ampa dɛ, owu anaa nkwa, anaa abɔfo, anaa etumfo, anaa dza ɔwɔ hɔ sesei, anaa dza ɔreba,

“Anaa krɔnkrɔnn, anaa bun, anaa abɔdze biara runntum nntsew hɛn efi Nyankopɔn dɔ no a ɔwɔ hɛn Ewuradze Christ Jesus mu no ho”(Romefo 8:35, 38–39).

Jesus Christ No Werdambɔ ho asɛm no, Elder D. Todd Christofferson a ɔkã Asomafo Duebien hɔn Quorum ho no kãa dɛ: “Agyenkwa N’amandzehu wɔ Gethsamane na Ne yaw wɔ mbeamudua no do no pon hɛn fi bɔn ho ber a ɔpata dza pɛrpɛrdzi hwehwɛ fi hɛn hɔ no. Ɔdze ehumbɔbɔr ma na ɔdze hɔn a woenu hɔnho no bɔn fir hɔn. Jesus Christ No Werdambɔ no so pata kaw a pɛrpɛrdzi dze hɛn no ber a ɔresa hɛn yarba na ɔrepata hɛn wɔ amandzehu a yɛsɔw a yenndzi ho fɔ no. ‘Na hwɛ ɔsɔɔw nyimpa nyina hɔn yaw, nyew, ɔtseasefo biara ne yaw, mbanyin, mbaa na mbofra nyina a wɔkã Adam n’ebusuakuw ho.’ (2 Nephi 9:21; hwɛ Alma 7:11–12 so).”¹

Christ ekrukye [hɛn] wɔ [Ne] nsayamu” Isaiah 49:16). Linda K Burton, Wiadze Mfɛndzanan Relief Society President kã dɛ: Otwar dɛm ɔdɔ ndzeyɛɛ no a ɔkrɔn kɛse no ma hɛn mu kor biara bu ntwɛr wɔ ahobrɛadze mpaabɔ mu dze da hɛn Ɔsor Egya ase dɛ ɔdɔ hɛn ara ma Ɔsomaa Nyia a Ɔwoo no Kortonoo na Ne Ba a odzi mu no ma Ohun hɛn bɔn ho amandze, hɛn awerɛhow, na dza ɔyɛ nsisi nyina wɔ hɛn ara hɛn ankorankor abrabɔ mu no.”²

Kyerɛwsɛm a Ɔkã ho

John 3:16; 2 Nephi 2:6–7, 9; reliefsociety.lds.org

© 2017 Intellectual Reserve, Inc. Wɔakora ho tumdzi nyina. USA na wotsintsimii. English approval 6/16. Translation approval 6/16. Visiting Teaching Message, February 2017 ne nkyerɛasee. Fante 97922 502

Susu Iyi Ho

Yebesi dɛn botum akyerɛ hɛn ndaase na dɔ ama Nyankopɔn na Jesus Christ wɔ hɛn Agyenkwa No Werdambɔ akyɛdze no ho?