Messaġġ tal-Għalliema taż-Żjajjar, Frar 2017
L-Att tal-Fidwa ta’ Kristu huwa Evidenza tal-Imħabba ta’ Alla
Bl-għajnuna tat-talb studjaw dan il-materjal u fittxu li tiksbu l-ispirazzjoni biex tkunu tafu x’ għandkom taqsmu ma’ ħutkom.
Fidi, Familja, Għajnuna
Li aħna nifhmu li Missierna tas-Smewwiet offra lill-Iben Imnissel Waħdieni Tiegħu biex aħna nkunu nistgħu niksbu l-immortalità u l-potenzjal tal-ħajja eterna jgħinna biex aħna nħossu l-imħabba infinita u inkomprensibbli ta’ Alla għalina. Is-Salvatur tagħna jħobbna wkoll.
“Min se jifridna mill-imħabba ta’ Kristu? …
“Għax jiena żgur li la l-mewt u la l-ħajja, la l-anġli u la l-qawwiet, la ż-żmien t’issa u la ta’ li ġej, la setgħat,
“La l-għoli u lanqas il-fond, u ebda ħlejqa oħra ma jistgħu qatt jifirduna mill-imħabba ta’ Alla li dehret fi Kristu Ġesù Sidna” (Rumani 8:35, 38–39).
Dwar l-Att tal-Fidwa ta’ Ġesù Kristu, il-Presbiteru D. Todd Christofferson tal-Kworum tat-Tnax-il Appostlu qal: “Is-sofferenza tas-Salvatur fil-Ġetsemani u l-agunija Tiegħu fuq is-salib tifdina mid-dnub billi tissodisfa d-domanda li l-ġustizzja għandna fuqna. Huwa jestendi l-ħniena u jaħfer lil dawk li jindmu. L-Att tal-Fidwa ta’ Ġesù Kristu jissodisfa wkoll id-dejn li għandna lejn il-ġustizzja billi jfejjaqna u jikkompensana għal kull sofferenza li aħna nsofru b’ mod innoċenti. ‘Għax araw, huwa sofra l-uġigħ tal-bnedmin kollha, l-uġigħ ta’ kull kreatura ħajja, l-irġiel, in-nisa u t-tfal, li jagħmlu parti mill-familja ta’ Adam’ (2 Nephi 9:21; ara wkoll Alma 7:11–12).”1
Kristu “naqqaxna fuq il-keffa ta’ jdejh” (Isaija 49:16). Linda K. Burton, President ġenerali tas-Soċjetà tal-Għajnuna, tgħid, “Dak l-att suprem ta’ mħabba għandu jwassal biex aħna lkoll ninżlu għarkupptejna nitolbu b’ umiltà biex nirringrazzjaw lil Missierna tas-Smewwiet talli jħobbna tant li Huwa bagħat lill-Iben Imnissel Waħdieni u perfett Tiegħu biex isofri għal dnubietna, għall-uġigħ il-qalb tagħna u għal dak kollu li jidher inġust f’ ħajjitna.”2
Skrittura u Informazzjoni Addizzjonali
© 2017 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/16. Approvazzjoni tat-traduzzjoni: 6/16. Traduzzjoni ta’ Visiting Teaching Message, February 2017. Maltese. 97922 159
Ikkunsidraw Dan
Kif nistgħu nesprimu l-gratitudni u l-imħabba tagħna lejn Alla u Ġesù Kristu għar-rigal tal-Att tal-Fidwa tas-Salvatur tagħna?