Serafo
Ua Fen Finata
Ewe chon mak a nonnom non Utah, USA
Fan ew ua kaeo ew auchean nesen non ew klasin mwichen Ekkewe Fopun won nimenimochun nefinen mwan me fefin—ew itenap a efisi chommong ekkewe serafo repwe mefi saw me won ar kewe sea. Use chechemeni mettoch meinisin ua kaeo non ena ran, nge ua chechemeni nei emon sou emwen a porous usun ew me nein pwisin an nongonong—an epwe chok nimenomoch fansoun meinisin. An kewe kapas ra chok nonnom rei, iwe mwirin ngang ua finata pwe upwe efisi pwe epwe pwan ew ai pwisin nongonong.
Non ew ran nupwen uwa fitono efoch pas neim seni ew pekin urumot, emon me nein ekkewe aramas won ewe pas a poputani ew pekin urumot ar repwe pwari met mi ennet ika fori och mettoch. Pokiten ese wor met am fori, ngang me ekkoch ekkewe semirit am aua pwan choni ewe urumot. Nupwen a tori ai fansoun, ra echimwaei upwe fori och mettoch ngang mi sinei pwe ese pung. Mi tongeni ita epwe ew mettoch mi weires ai upwe finata ai upwe fori, nge ekkewe kapas an nei we sou emwenin Ekkewe Fopun a tonong non ai ekiek, me met upwe finata a mecheres. Ua mwitir pepeni. Ua fen finata non ai ekiek met upwe fori non ena sokkun napanap.
Ua sinei pwe nupwen sia no ngeni fan me awora nenien ekkewe mettoch sia kaeo ikewe, sipwe feioch ren watten pochokun non pekin ngun me tumun seni ekkewe sossotun fonufan.