Poraus seni Fefin Chon Amwa, March 2017
Ewe Pochokunen Manamanen Jises Kraist me An Achasefan
Anneani ekkei poraus fiti iotek me kutta om kopwe sinei met kopwe aporausa. Ifa usun ach weweiti ewe popun Fin Anisi epwe amwonata noun Kot fopun ren ekkewe feiochun manau esemuch?
Nuku Famini Aninis
“Mi wor rei ai pochokun pwe upwe fori mettoch meinisin ren ewe manamanen Christ a fen ngeni ei.” (Philippians 4:13). “Ina mwo ika kich meinisin mi wor ach apwangapwang, sia tongeni akkufur,” anon Preseten Dieter F. Uchtdorf, Aruemonun Chon Aninis non ewe Aewin Presetensi. Ewer seni ewe chenin Kot, ika sia etekisona inisich me awora ach nuku, mettoch mi apwangapwang repwe tongeni pochokununo.1
Ach Chon Amanau a apasa non ewe Doctrine and Covenants, Upwe feino me mwen mesemi. Upwe nom won penie mwanimi me penie fefinemi, me Nguni epwe nom non netipemi, me nei kewe chon nang repwe nom unukumi, ar repwe apochokunakemita (nengeni D&C 84:88).
Elter David A. Bednar seni ewe Mwichen Engon me Ruemon Aposel a apasa “Nifai i emon nenien appiru usun emon mi sinei, weweiti, me anongonong won pochokunen manamanen ewe Chon Amanau.” “Pwiin Nifai kewe ra foti i ren san me akokkota manon. Oupwe nengeniochu an Nifai iotek: ‘O Samon, anongonong won ai unku minne a nonnom non en, kose mochen kopwe angasaeino seni ne poun pwi kei; ewer, pwan ngeniei pochokun pwe upwe tongeni epichano ekkei fofo minne ngang mi fofo rer’ (1 Nifai 7:17; auchean mi kapacheta).
“… Nifai ese iotek pwe nonnomun epwe siwin. Nge, a iotek fan iten pochokun an epwe siwini nonnomun. Me ua nuku pwe a iotek non ei napanap pokiten i mi sinei, weweiti, me a fen sinei usun ewe pochokunen manamanen ewe Achasefan.
“Use ekieki pwe ekkewe fofo mi fofo ngeni Nifai ra chok pwisin pichino seni poun me kumuchun poun. Nge, ua ekieki pwe a feioch ren nikitu me pwisin an pochokun nap seni an pwisin tongeni, pwe mwirin i ‘ren pochokunen ewe Samon’ (Mosiah 9:17) a angang me arapini me weiti ekkewe san, iwe amuchunon me ennetin a tongeni muti ekkewe fofo.”2
Pwan ekkoch Uwokisin me Porous
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/16 Kapungunon awewen: 6/16. Chiakun Visiting Teaching Message, March 2017. Chuukese (Trukese). 97923 901