Cov Hluas
Kuv Twb Txiav Txim Siab Lawm
Tus sau zaj no nyob hauv Utah, USA.
Muaj ib zaug kuv kawm ib yam tseem ceeb nyob hauv ib hoob Koom Haum Ntxhais Hluas hais txog kev coj dawb huv—yog ib qho uas ua rau ntau tus ntxhais hluas txaj muag heev. Kuv tsis nco qab txhua yam uas kuv kawm hnub ntawd, tiam sis kuv nco ntsoov tias kuv tus thawj coj qhia txog ib txoj kev cai nws tsa rau nws tus kheej—kom coj dawb huv txhua lub sij hawm. Kuv nco ntsoov nws tej lus, ces kuv txiav txim siab tias kuv yuav tsa kev cai rau kuv tus kheej zoo ib yam.
Muaj ib hnub thaum kuv caij npav tom qab kuv mus saib kev ntaus pob, ib tug hauv lub tsheb npav pib ib qho kev ua si hu ua qhia qhov tseeb los yog kev twv. Vim peb tsis muaj dab tsi ua, kuv thiab lwm tus koom nrog lawv ua. Thaum txog kuv thib, lawv twv kuv ua ib yam uas kuv paub tias tsis tsim nyog ua. Tej zaum qhov no yuav nyuaj rau kuv txiav txim siab, tiam sis kuv xav txog kuv tus thawj coj hauv lub Koom Haum Ntxhais Hluas tej lus, thiab yooj yim rau kuv xaiv. Kuv hais kiag tias kuv tsis kam. Kuv twb txaiv txim siab tias kuv yuav ua li cas yog muaj xwm txheej li ntawd.
Kuv paub tias thaum peb mus rau lub koom txoos thiab ua raws li tej yam uas lawv qhia peb nyob ntawd, peb yuav tau koob hmoov muaj zog ntawm sab ntsuj plig thiab txais kev pov hwm kom txhob raug neeg ntiaj teb tej kev ntxias.