Visiting Tijing Mesej, Maj 2017
Paoa blong Jisas Kraes mo Atonmen blong hem
Stadi long toktok ia wetem prea mo luklukgud blong kasem insperesen blong save wanem blong serem. Olsem wanem nao taem yumi kam blong save stamba tingting blong Rilif Sosaeti i mekem rere ol gel blong God from ol blesing blong laef we i no save finis?
Fet, Famli, Help
“Mi save mekem evri samting long paoa blong Kraes ya we i stap mekem mi mi strong” (Filipae 4:13). “Iven yumi evriwan i gat ol samting we yumi no strong long hem, yumi save winim olgeta,” Presiden Dieter F. Uchtdorf, seken kaonsela long Fas Presidensi i talem. “I tru se hem i tru long gladhat blong God we, sapos yumi putum tingting i stap daon mo gat fet, yumi save kam strong long ol samting we yumi no strong long olgeta.1
Sevya blong yumi i talem long Doktrin mo Ol Kavenan se bae Hem i go long fored blong yumi. Lod bambae i stap long raet han mo long lef, mo Spirit blong Hem bambae i stap long ol hat blong yu mo ol enjel blong Hem bae oli stap raon long yu, blong leftemap yu (luk long D&C 84:88)
“Nifae i wan eksampol blong wan we i save, andastanem, mo lukluk long bigfala paoa blong Sevya,” Elda David A. Bednar blong Kworom blong Olgeta Twelef Aposol i talem. “Ol brata blong Nifae oli fasem hem wetem wan rop mo mekem plan blong kilim hem i ded. Plis tekem not long prea blong Nifae: “O Lod, folem fet we mi gat long yu,bae yu mekem mi fri aot long ol han blong tufala brata blong mi,yes, givim paoa long mi tu blong brekem ol rop ia we i stap long mi 1 Nifae 7:17
“…Nifae i no prea blong God i jenisim situesen blong hem. Be, hem i prea from paoa blong jenisim situesen blong hem. Mo mi bilif hem i prea long wei ia from hem i save, hem i andastanem, mo gat eksperiens bigfala paoa blong Atonmen.
“Mi no ting se ol rop ia we i stap long Nifae i jes foldaon nomo olsem aot long ol han mo leg blong hem. Be, mi ting se hem i bin gat blesing ia blong kasem strong tingting mo paoa we i go bitim we hem i gat, blong mekem se Hem i, “long paoa blong Lod” Mosaea 9:17) i muvum mo tantanem mo pulum rop ia, go kasem we Hem i save brekem aot rop ia.”2
Sam moa skripja mo infomesen
© 2017 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/16. Oli letem translesen: 6/16. Translation of Visiting Teaching Message, March 2017. Bislama. 97923 852