Visiting Teaching Amandzɛɛbɔ, Ebɔw 2017
Tum a Odua Jesus Christ na No Werdambɔ no mu no Ba
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Yɛretse Relief Society no botae ase no besi dɛn esiesie Nyankopɔn mbabaa no ama onnyiewiei nkwa ho nhyira?
Gyedzi, Ebusua, Mboa
“Mutum adze nyina yɛ wɔ Christ a ɔhyɛ dzen no mu.” (Philippifo 4:13). President Dieter F. Uchtdorf, Ɔpamfo a Otsĩa Ebien wɔ Presidency a Odzi Kan mu no se, “Hɛn nyina yɛwɔ mbrɛwyɛ horow dze, naaso yebotum edzi do konyim. “Nokwar ɔyɛ Nyame N’adom dɛ sɛ yɛbrɛ hɛnho adze na yenya gyedzi a, ndzɛmba a ɔyɛ mberɛw no bɛhyɛ dzen.”1
Nkyerɛkyerɛ na Ahyɛmudzi mu no hɛn Agyenkwa no se “Mibedzi hom enyim. Mibedzi hom nyimfa na hom bankum, na mo sunsum bɛhɛn hom akoma mu, na m’abɔfoe etwa hom ho ehyia, na wɔasoa hom” (N&A 84:88).
Elder David A. Bednar a ɔkã Asomafo Duebien no hɔn Quorum ho no se “Nephi yɛ fasusu ma obi a onyim, ɔtsee ase, na ɔtweer Agyenkwa no tum a wodua do yɛ adze no.” “Nephi no nuanom dze ntampehoma kyekyer no na wɔfaa ne nsɛɛ ho tsirdopam. Meserɛ hom nhyɛ Nephi ne mpaabɔ no nsew: ‘O Ewuradze, dɛ mbrɛ me gyedzi a ɔwɔ wo mu tse no, nkyɛ agye me efi mo nuanom nsamu; nyew, nkyɛ ama me ahoɔdzen ma metum atsew ntampehoma a ɔkyekyer me yi mu’ (1 Nephi 7:17; woetsĩmu akã ho).
“… Nephi ammbɔ mpaa dɛ wɔbɛsesã ne gyinabew. Mbom, ɔbɔɔ mpaa hwehwɛɛ ahoɔdzen a ɔdze bɛsesã ne gyinabew. Na megye dzi dɛ ɔbɔɔ mpaa wɔ kwan yi do osiandɛ onyim pefee, na ɔtse ase, na oenya tum a odua Werdambɔ no mu ba no ho sũahu.
“Menngye nndzi dɛ nkyehoma no a wɔdze kyekyeer Nephi no fii ne nsa na ne nsakɔn nkwangyaayi mu ara. Mbom, ɔyɛ me dɛ wɔdze enyimiadzi nye honandua mu ahoɔdze a ɔbor ɔnoara n’ahom do hyiraa no, na nkyii ‘wɔ Ewuradze n’ahoɔdzen mu no’ (Mosiah 9:17) odzii ntampehoma no ho dwuma kyimkyimii, ma ewiei no otumii dze tseew mu.”2
Kyerɛwsɛm a Ɔkã ho
© 2017 Intellectual Reserve, Inc. Wɔakora ho tumdzi nyina. USA na wotsintsimii. English approval 6/16. Translation approval 6/16. Visiting Teaching Message, March 2017 ne nkyerɛasee. Fante 97923 502