ຂ່າວສານການຢ້ຽມສອນ ເດືອນມິນາ 2017
ອຳນາດທີ່ມີລິດທານຸພາບຂອງພຣະເຢຊູຄຣິດ ແລະ ການຊົດໃຊ້ຂອງພຣະອົງ
ໃຫ້ສຶກສາຂ່າວສານນີ້ດ້ວຍການອະທິຖານ ແລະ ສະແຫວງຫາການດົນໃຈ ເພື່ອຈະໄດ້ຮູ້ຈັກສິ່ງທີ່ຄວນແບ່ງປັນ. ການເຂົ້າໃຈຈຸດປະສົງຂອງສະມາຄົມສະຕີສົງເຄາະ ຊ່ວຍຕຽມທິດາຂອງພຣະເຈົ້າ ສຳລັບພອນແຫ່ງຊີວິດນິລັນດອນແນວໃດ?
ສັດທາ, ຄອບຄົວ, ສົງເຄາະ
“ເຮົາສາມາດສູ້ກັບທຸກສິ່ງໄດ້ ຜ່ານທາງພຣະຄຣິດ ທີ່ຊູກຳລັງເຮົາ” (ຟີລິບປອຍ 4:13). “ເຖິງແມ່ນເຮົາທຸກຄົນມີຄວາມອ່ອນແອ, ແຕ່ເຮົາກໍສາມາດເອົາຊະນະມັນໄດ້,” ປະທານດີເດີ ແອັຟ ອຸກດອບ, ທີ່ປຶກສາທີສອງໃນຝ່າຍປະທານສູງສຸດໄດ້ກ່າວ. “ແນ່ນອນວ່າ ມັນເປັນເພາະພຣະຄຸນຂອງພຣະເຈົ້າ ທີ່ຖ້າຫາກເຮົາຖ່ອມຕົວລົງ ແລະ ມີສັດທາ, ຄວາມອ່ອນແອນັ້ນ ຈະກັບກາຍເຂັ້ມແຂງຂຶ້ນ.”1
ພຣະຜູ້ຊ່ວຍໃຫ້ລອດຂອງເຮົາ ໃນພຣະຄຳພີ Doctrine and Covenants ກ່າວວ່າ, ພຣະອົງຈະເດີນອອກໜ້າເຮົາ. ພຣະອົງຈະຢູ່ທາງຂວາມືເຮົາ ແລະ ທາງຊ້າຍມືເຮົາ, ແລະ ວິນຍານຂອງພຣະອົງຈະຢູ່ໃນໃຈຂອງເຮົາ, ແລະ ທູດຂອງພຣະອົງຈະອ້ອມຮອບເຮົາໄວ້, ເພື່ອຄ້ຳຊູເຮົາ (ເບິ່ງ D&C 84:88).
“ນີໄຟເປັນຕົວຢ່າງຂອງຜູ້ທີ່ຮູ້, ເຂົ້າໃຈ, ແລະ ເພິ່ງອຳນາດທີ່ມີລິດທານຸພາບຂອງພຣະຜູ້ຊ່ວຍໃຫ້ລອດ,” ແອວເດີ ເດວິດ ເອ ແບ໊ດນາ ແຫ່ງກຸ່ມອັກຄະສາວົກສິບສອງໄດ້ກ່າວ. “ພວກອ້າຍຂອງນີໄຟ ໄດ້ມັດເພິ່ນດ້ວຍເຊືອກ ແລະ ໄດ້ວາງແຜນທຳຮ້າຍເພິ່ນ. ໃຫ້ສັງເກດເບິ່ງຄຳອະທິຖານຂອງນີໄຟ ທີ່ວ່າ: ‘ໂອ້ ພຣະອົງເຈົ້າເອີຍ, ຕາມສັດທາຂອງຂ້ານ້ອຍທີ່ມີຢູ່ໃນພຣະອົງ, ຂໍພຣະອົງຈົ່ງປົດປ່ອຍຂ້ານ້ອຍໃຫ້ພົ້ນຈາກກຳມືຂອງພວກອ້າຍຂອງຂ້ານ້ອຍດ້ວຍເທີ້ນ, ແທ້ຈິງແລ້ວ, ເຖິງແມ່ນ ປະທານກຳລັງໃຫ້ຂ້ານ້ອຍເພື່ອຈະເຮັດໃຫ້ເຊືອກ ທີ່ຜູກຂ້ານ້ອຍຂາດອອກ’ (1 ນີໄຟ 7:17; ເນັ້ນຄຳເນີ້ງ).
“… ນີໄຟບໍ່ໄດ້ອະທິຖານຂໍໃຫ້ສະຖານະການຂອງເພິ່ນປ່ຽນໄປ. ແຕ່ເພິ່ນໄດ້ອະທິຖານທູນຂໍຄວາມເຂັ້ມແຂງ ເພື່ອຈະປ່ຽນສະຖານະການຂອງເພິ່ນ. ແລະ ຂ້າພະເຈົ້າເຊື່ອວ່າ ເພິ່ນໄດ້ອະທິຖານໃນວິທີນີ້ແທ້ໆ ເພາະເພິ່ນໄດ້ຮູ້, ໄດ້ເຂົ້າໃຈ, ແລະ ໄດ້ເຄີຍປະສົບກັບອຳນາດທີ່ມີລິດທານຸພາບແຫ່ງການຊົດໃຊ້ມາກ່ອນ.
“ຂ້າພະເຈົ້າບໍ່ຄິດວ່າ ເຊືອກທີ່ນີໄຟໄດ້ຖືກມັດ ໄດ້ຫລຸດອອກຈາກມື ແລະ ຂໍ້ມືຂອງເພິ່ນ ຢ່າງປະຕິຫານ. ແຕ່ຂ້າພະເຈົ້າສົງໄສວ່າ ເພິ່ນໄດ້ຮັບພອນ ດ້ວຍກຳລັງຕໍ່ຕ້ານ ແລະ ກຳລັງສ່ວນຕົວ ເກີນກຳລັງຂອງຕົນເອງ, ຈົນວ່າເພິ່ນ ‘ໄດ້ຮັບກຳລັງຈາກພຣະຜູ້ເປັນເຈົ້າ’ (ໂມໄຊຢາ 9:17) ໄດ້ພະຍາຍາມ ແລະ ໄດ້ບິດ ແລະ ໄດ້ດຶງເຊືອກ, ແລະ ໃນທີ່ສຸດ ແລະ ແທ້ໆແລ້ວ ໄດ້ສາມາດເຮັດໃຫ້ເຊືອກຂາດອອກ.”2
ຂໍ້ພຣະຄຳພີ ແລະ ຂໍ້ມູນເພີ່ມເຕີມ
©2017 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/16. ການແປໄດ້ຮັບອະນຸຍາດ: 6/16. ແປຈາກ Visiting Teaching Message, March 2017. Laotian. 97923 331