Klumech er a Oldingel e Olisechakl, Ongedei el buil 2017
Sel Klisichel a Jesus Kristo me a Tngakireng er Ngii
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera sel klemedengei er a moktek er a Relief Society e kudmekelterir a rengelekel a Dios el redil el kirel a klengeltengat er a diak a ulebengelel klengar?
Klaumerang Telungalek Ngesou
“Ngokiu a Kristo el melisiich er ngak, e ng sebechek el kudmokl a rokui el tekoi” (Philippians 4:13). “Ng uaisei el derokui el ngar ngii a chelitechetud, e ng di ng sebeched el mo mesisiich er ngii,” ng melekoi a President Dieter F. Uchtdorf, Ongerung el Counselor er a First Presidency. “E uaisei lokiu a krazia er a Dios, e sel de ngai a rengud el meriou e doumerang, e a chelitechetud a sebechel mo klisiched.”1
A Osobeled a melekoi er a chelsel a Doctrine and Covenants el kmo, “Ak mo okiu medemiu. Ngii a mo nga er a kadikm ma katur kid, e a Reng er Ngii a mo er a chelsel a rengud, e a reanghel er Ngii a iliuekel er kid, el mo sobecheklid” (DC 84:88).
“A Nephi a okesiul a chad el mle medengei, oumerang, e ultuil er a klisichel a Osobel,” ng melekoi a Elder David A. Bednar er a Chelechad er a Teruich me a terung el Apostol. “A robekul a Nephi a lilchetii lolab a bambatel e millib a kodellel. A kulengit me momtab er a nglunguchel a Nephi: ‘Rubak, ngultuil er a klaumerang er ngak er kau, e a kulengit me msebecheklak er a chimorir a rubekuk; oi, beskak a klisiich me kloched a ika llechet el ngar ngak’ (1 Nephi 7:17; smisichii a belkul).
“… A Nephi a dimlak loluluuch el melasm el melodech er a teletael le mla er a chelsel. Ng bai, miluluuch el kirel a klisiich el ngodechii a teletael le mla er a chelsel. E a kumerang el kmo ng miluluuch el uaisei le ngii el mle medengei, e ulemtab e mla mlechesuar a klisichel a Tngakireng.
“A kumdasou e a ikel bombatel el mle llechotel er a Nephi a dimlak di ble le kiul meloched el mekedoked er a chimal. Ak bai omdasou el kmo, ng mle ngeltengat er a duche el reng me a klisiich lengelakl er sel di klisichel, el mle ultuil er a ‘klisichel a Rubak’ (Mosiah 9:17) e ngulureor e mengiuetokl a ika el bombatel, el mlo sebechel el lemodech er a bedengel.”2
Lmuut el bebil er a Chedaol llechukl me a Omesodel
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/16. Kengei er a oidel: 6/16. Oidel a Visiting Teaching Message, March 2017. Palauan. 97923 881