Me Pwulopwul kan

Papah Mehteikan ni Pwoson

Presiden Uchtdorf masanihong kitail me atail pwoson Koht udahn pahn “patehng wieiwa.” Ni ansou me atail pwoson kin “patehng wiewia mwahu,” e kawewehda, e “kin audehkihda … palingehn meleilei oh limpoak.” Patehng inoun kapai wet, kitail kak wekila, oh kitail kak kilang met nan atail mour kan ma kitail alehda ansoun wia pwoson me audaudkihda papah. Kumwail kak kapakap ehu ehu menseng oh peki rehn Kauno sawas ni amwail kin sewese mehteikan. Me duwehte, peki Reh en ketin kasalehiong kumwail ansou me emen riamwail kin anahne sawas en doadoahk de ni ansou emen emen kempoakepahmwail anahne ehu kaping. Eri, ni ansou me kumwail alehdi ehu kaweid en Ngehn Sarawi, doadoahngki! Ma kumwail wiahkihla kapakap pwukat oh papah wet ehu mour, eri ahmw pwoson, iangahki wiewia pahn kapaiada ahmw mour oh mour en mehteikan. Presiden Uchtdorf inoukihda me kumwail “kak wekidala emen emen, peneinei kan, wehi kan, oh sampah.”