2017
Kahula oh Inoun Prihtuhd
April 2017

Iren Mahsen en Padahk en Pas, Epreil 2017

Kahula oh Inon Prihstuhd

Onop ni kapakap dipwisou wet oh rapahki kaweid en esehla dahme ke pahn ehukihiheng mehteikan. Ia duwen esehla kahrepen Pwihn en Sawas en Lih eh kin kaunopada Sapwellimen Koht serepein kan ong kapai kan en mour soutuk?

Relief Society seal

Pwoson Peneinei Sawas

Uwen laud en kitail lih akan atail wehwehki esehla me kahula oh inoun prihstuhd kin doadoahk ong pein kitail, iei uwen laud en atail pahn kesempwalikihla kapai kan oh inou kan en prihstuhd.

Elder M. Russell Ballard en Pwihn en Wahnparon Ehkriemeno masanih: Koaros me wiadahr inou sarawi kan rehn Kauno oh me kin wahuneki inou ko kin kak ale pein arail kaudiahl, pwe ren kapaida sang rehn tohnleng kan, ren karaniala Koht, ren alehdi padahk unsek en rongamwahuo, oh, ni imwilao, ren iang Sises Krais sohsohki mehkoaros me Samatailo sapwellimaniki.”1

Kapai kan oh inou kan en kahula oh inou kan en prihstuhd pid koaros ohl oh lih. Sister Sheri L. Dew, sounsawas en mahs nan Presidensi Lap en Pwihn en Sawas en Lih, koasoaia: Unsek en prihstuhd me kin wiawi nan tehnpas sarawi en Kauno kak alahldi sangete rehn emen ohl oh lih kapataira.2

Sister Linda K. Burton, Presiden Lap en Pwihn en Sawas en Lih, kalohkidahr mekotet: I lukeikumwail en wadlikiala kahulao oh inoun prihstuhdo, me kak dierek nanDoctrine and Covenant 84:33–44. Sang ni amwail pahn wia met, I inoukihong kumwail me Ngehn Sarawio pahn kalaudehla amwail wewehki prihstuhd oh pepehm oh seweseikumwailda nan ahl mwahu douluhl kan.”3

Sapwellimen Joseph Smith kaweid kan ong Pwihn en Sawas en Lih wia mehn kaunopada lih akan en “alehdi ansou mwahu kan & kapai kan & kisakis kan en prihstuhd.” Met pahn pweida sang ni tiahk sarawi kan en nan tehnpas sarawio.

“Tiahk sarawi kan en nan tehnpas sarawi wia tiahk sarawi kan en prihstuhd, ahpw re sohte kin kiheng ecclesiastical ohpis pohn ohl de lih akan. [Tiahk sarawi pwukat kin apwaliala] Sapwellimen Kauno inou me Sapwellime aramas akan—ohl oh lih—pahn ‘alehdi manaman sang powe’ [D&C 38:32].”4

Pwuhk Sarawi Kapatapat kan oh Iren Kepehse

Doctrine and Covenants 84:19–40; 121:45–46; reliefsociety.lds.org

© 2016 by Intellectual Reserve, Inc. All rights reserved. Ntingdahr nan USA. Kamanaman ong lokaiahn wai: 6/16. Kamanaman ong kawehwe: 6/16. Kawehwehpen Visiting Teaching Message, April 2017. Pohnpeian. 97924 885

Iren sawas akan

  1. M. Russell Ballard, “Men and Women and Priesthood Power,” Liahona, Septempe. 2014, 36.

  2. Sheri L. Dew, nan Daughters in My Kingdom: The History and Work of Relief Society (2011), 118.

  3. Linda K. Burton, “Priesthood Power—Available to All,” Ensign, Suhn 2014, 39–40.

  4. Oaralap kan en Rongamwahuo, “Sapwellimen Joseph Smith padahk kan duwen prihstuhd, Tehnpas Sarawi, oh Lih akan,” topics.lds.org.