UMlayezo WokuFundisa ngokuVakasha, Ephreli 2017
Isifungo nesiVumelwano sobuPhristi
Ngomkhuleko funda lemibhalo ngenhloso yokufuna ukwazi ngalokho ongakhuluma ngakho. Ukuqonda injongo yeNhlangano Yabesimame Yenkululeko kuwalungiselela kanjani amadodakazi kaNkunkulu ukuba athole izibusiso zempilo engunaphakade?
Ukholo Umndeni Insizakalo
Ngesikhathi siqonda kangcono njengodade ukuthi isifungo nesivumelwano sobuphristi sihlangana nathi uqobo, yingesikhathi sizokwamukela kangcono izibusiso nezethembiso zobuphristi.
Igosa M. Russell Ballard womGwamanda wabaliShumi namBili wathi, “Bonke abenze izivumelwano ezingcwele kanye neNkosi futhi bazihloniphe lezo zivumelwano bafanelekile ukuthola isambulo sabo, babusiswe izingelosi ezifundisayo, ukuze bakwazi ukuxhumana kanye noNkulunkulu, ukuze bathole ivangeli eliphelele, futhi, ekugcineni, babe yindlalifa eduzane noJesu Kristu kukho konke uBaba anakho.”1
Izibusisio nezethembiso zesifungo nesivumelwano sobuphristi zimayelana namadoda nabesimame. Udade uSheri L. Dew, owaye ngumeluleki kubuMongameli Jikelele beNhlangano Yabesimame Yenkululeko, wathi, “Ukugcwala kobuphristi okutholakala kwisimiso esiphakame kunazo zonke endlini yeNkosi kutholakalwa yindoda nenkosikazi behlangane kuphela.”2
Udade uLinda K. Burton, uMongamelei Jikelele weNhlangano Yabesimame Yenkululeko, ukhipe lolu bizo, “Ngiyakumema ukuba wazi ngekhanda isifungo nesivumelwano sobuphristi, esitholakala kwi Mfundiso neziVumelwano 84:33–44. Ngokwenza lokhu, ngiyakuthembisa ukuthi uMoya oNgcwele uzokhulisa ukuqonda kwakho ubuphristi futhi akukhusele futhi akuphakamise ngezindlela ezinhle kakhulu.”3
Imiyalelo kaJoseph Smith kwiNhlangana Yabesimame Yenkululeko yayihlosele ukulungisela abesimame ukuba “bethole amalungelo nezibusiso nezipho zobuphristi.” Lokhu kwakuzofezeka ngezimiso zasethempelini.
“Izimiso zasethempelini [zi]yizimiso zobuphristi, kepha [azi]beki isikhundla sesonto kwamadoda noma kwabesimame. [Lezi zimiso zifeza] isethembiso seNkosi ukuba abantu bakhe—abesimame namadoda—bezo ‘nikwa amandla avela phezulu’ [iMf&V 38:32].”4
Imibhalo eNgcwele kanye nolwazi olungeziwe
IMfundiso neziVumelwano 84:19–40; 121:45-46; reliefsociety.lds.org
© 2017 ngabakwa Intellectual Reserve, Inc. Wonke amalungelo agciniwe. Kushicilelwe e-USA. Usuku okuvunywe ngalo ukuba lezi zifundo zihunyushwe: 6/16. Usuku okuvunywe ngalo ukuba lezi zifundo zihunyushwe: 6/16. Ukuhunyushwa kwe Visiting Teaching Message, April 2017. Zulu. 97924 783