Mensahe iti Visiting Teaching, Mayo 2017
Ti Bileg ti Libro ni Mormon
Allukoyek ti tunggal maysa kadatayo a nainkararagan nga adalen ken utobentayo ti Libro ni Mormon iti inaldaw.
Patpatgek a kakabsat, sibabara a kablaawankayo itri panagkikitatayo manen iti maysa a naindaklan a komperensia ti Ti Simbaan ni Jesucristo dagiti Santo iti Ud-udina nga Aldaw. Sakbay nga irugik ti pormal a mensahek ita, kayatko nga ipakaammo ti lima a baro a templo a mabangonto kadagiti sumaganad a lokasion: Brasília, Brazil; greater Manila, Philippines, area; Nairobi, Kenya; Pocatello, Idaho, USA; and Saratoga Springs, Utah, USA.
Daytoy a bigat agsaritaak maipapan ti bileg tri Libro ni Mormon ken ti napateg a panagkasapulantayo kas miembro ti Simbaan tapno adaeln, utoben, ken yaplikartayo dagiti pannursurona iti panagbiagtayo. Saan a mailabes ti panangilawlawag iti kinapateg ti kaadda iti natibker ken awan duadua a pammaneknek maipapan ti Libro ni Mormon.
Agbibiagtayo iti panawen ti nakaro a riribuk ken kinadakes. Anianto ti mangsaluad kadatayo manipud iti basol ken dakes nga agsaknap unay iti lubong iti agdama? Pagtalinaedek dayta natibker a pammaneknek maipapan ti Mangisalakan, ni Jesucristo, ken ti ebangheliona ti makatulongto a mangtarabay kaniak iti kinatalged. No dikayo agbasbasa iti Libro ni Mormon iti inaldaw, basaenyo daytoy. No nainkararagan a basaenyo daytoy ken addaan iti napudno a tarigagay a mangammo iti kinapudno, ipakaammonto ti Espiritu Santo ti kinapudno daytoy kadakayo. No pudno daytoy—sipapasnek a paneknekak a daytoy ket—ni Joseph Smith ket maysa a propeta a nakakita iti Dios nga Ama ken ti Anakna, ni Jesucristo.
Gapu ta pudno ti Libro ni Mormon, Ti Simbaan ni Jesucristo dagiti Santo iti Ud-udina nga Aldaw ti Simbaan ti Apo iti daga, ken naisublin ti nasantuan a priesthood ti Dios para iti pagimbagan ken bendision dagiti annakna.
No awanankayo iti natibker a pammaneknek kadagitoy a banag, aramidenyo dayta a kasapulan tapno magun-odyo ti maysa. Kasapulanyo ti maaddaan iti bukod a pammaneknek kadagitoy naririgat a panawen, gapu ta dagiti pammaneknek dagiti sabali ket agpatingga laeng a tarabayennakayo. Nupay kasta, apaman a nagun-od, kasapulan ti pammaneknek a mapagtalinaed a napateg ken nabiag babaen ti agtultuloy a panagtungpal kadagiti bilin ti Dios ken babaen ti inaldaw a panagkararag ken panagadal iti nasantuan a kasuratan.
Patpatgek a kakadua iti aramid ti Apo,allukoyek ti tunggal maysa kadatayo tapno nainkararagan nga adalen ken utobentayo ti Libro ni Mormon iti inaldaw. No aramidentayo daytoy, mangngegantayonto ti timek ti Espiritu, a mangliklik iti pannulisog, mangparmek iti duadua ken buteng, ken umawat iti tulong ti langit iti panagbiagtayo. Paneknekak daytoy iti amin a pusok iti nagan ni Jesucristo, amen.
© 2017 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/16 Pannakaanamongna a maipatarus: 6/16. Pannakaipatarus ti Visiting Teaching Message, May 2017. Ilokano. 97925 864