Umyalezo Ofundiswa Ngokuvakashelana, MEYI 2017
Amandla eNcwadi kaMormoni
Ngiyanxusa sonke ukuba sifunde futhi sizindle INcwadi kaMormoni ngomoya wokukhuleka zonke izinsuku.
Bafowethu nodadewethu, ngiyanibingelele ngenkulu imfudumalo njengoba sihlangene futhi emhlanganweni omkhulu weBandla likaJesu Kristu labaNgcwele beziNsuku zokuGcina. Ngaphambi kokuba ngethule umyalezo wami namhlanje, ngithanda ukwazisa ngamathempeli amasha ayisihlanu azokwakhiwa kulezi zindawo ezilandelayo: Brasília, Brazil; greater Manila, Philippines, area; Nairobi, Kenya; Pocatello, Idaho, USA; futhi naseSaratoga Springs, Utah, USA.
Ekuseni namuhla ngikhuluma ngamandla eNcwadi kaMormoni nesidingo esiphuthumayo esinaso njengamalunga aleliBandla ukuba sifunde, sizindle, futhi siphile ngezimfundiso zayo ezimpilweni zethu. Ukubaluleka kokuba nobufakazi obuqinileyo futhi obuyisqiniseko ngeke kushiwo kaningi ngokufanele.
Siphila esikhathini sezinkinga nokukhohlakala okuningi. Yini ezosivikela ezonweni nasebubini obugcwele umhlaba namuhla? Ngisamile ekutheni ubufakazi obuqinileyo ngoMsindisi wethu, uJesu Kristu, nangevangeli Lakhe buzosisiza siye ekuphepheni. Uma ungayifundi iNcwadi kaMormoni zonke izinsuku, ngicela uyifunde. Uma uzoyifunda ngomoya womkhuleko futhi nangenhloso okuyiyo yokwazi iqiniso, uMoya oNgcwele uyolibonakalisa iqiniso layo kuwe. Uma iyiqiniso—futhi ngiyafakazi ukuthi yilo—kusho ukuthi uJoseph Smith wayengumphrofethi owabona uBaba uNkulunkulu neNdodana Yakhe, uJesu Kristu.
Ngoba iNcwadi kaMormoni iyiqiniso, IBandla likaJesu Kristu labaNgcwele beziNsuku zokuGcina yiBandla leNkosi lapha emhlabeni, futhi nobuphristi obungcwele bukaNkulunkulu sebubuyisiwe ukuze abantwana Bakhe bazuze futhi babusiseke.
Uma ungenabo ubufakazi obuqinile ngalezi zinto, enza konke okudingakalayo ukuba ubuthole. Kubalulekile ukuba ube nobufakazi bakho kulezi zikhathi ezinzima, ngoba ubufakazi babanye buzokufikisa endaweni thize. Kepha, uma usubutholile, ubufakazi kumele bugcinwe bubalulekile futhi buphila ngokuqhubeka uthobele imiyalelo kaNkulunkulu futhi nangokukhuleka nokufunda imibhalo engcwele zinsuku zonke.
Balingani bami abathandekayo emsebenzini weNkosi, ngiyanxusa sonke ukuba sifunde futhi sizindle iNcwadi kaMormoni ngomoya wokukhuleka zonke izinsuku. Nxa senza njalo, sizoba sesimweni sokuzwa izwi likaMoya, lokulwa izilingo, lokunqoba ukungabaza nokwesaba, futhi nokuthola usizo lwasezulwini ezimpilweni zethu. Ngiyafakaza ngalokhu egameni leNkosi uJesu Kristu, amen.
© 2017 ngabakwa Intellectual Reserve, Inc. Wonke amalungelo agciniwe. Igaywe eMelika. Usuku okuvunywe ngalo ukuba lezi zifundo zikhishwe ngesiNgisi: 6/16. Usuku okuvunywe ngalo ukuba lezi zifundo zihunyushwe: 6/16. Ukuhumushwa ko Visiting Teaching Message, May 2017. Zulu. 97925 783