Jodikdik ro
Juon Mijinede ilo an ejjeļo̧k Name Tag
Ilo jikuuļ ewōr juon aō rūkaki eo me kain kōm̧m̧an ko an emaron̄ kamijak ro jet jān an kwaļo̧k jum̧ae ko ilo juon unin kōnono. Juon raan ekar wōr juon unin kōnono kōn mijinede ro rej jerbal aolep raan jān Armej ro Rekwojarjar ilo Raan-ko Āliktata. Ijeļā imaron̄ kar uwaaki kajjitōk ko an, ak iaar en̄jake bwe in jab. Ak iaar ba jidik n̄an kaju būruwōn ilo tōre eo.
Jet wiik tokālik eaar jab bōjrak aō ļōmņak kōn men ko kōjro kar kōnono kaki. Āliktata, juon kōļmenļo̧kjeņ eaar jiktok ippa bwe in aikuj leļo̧k n̄an e juon Bok in Mormon ippān jet eoon ko kōn jerbal in mijinede. Kōļmenļo̧kjeņ eo eaar kabweer eō, im eaar wōnm̧anļo̧k wōt. Iaar jeļā bwe ej juon im̧we bwe in ļoore.
Emaron̄ ruo allōn̄ tokālik, Iaar kōpooj Bok in Mormon eo. Ilo aolepān raan eo iaar en̄jake bwe bok eo ilowaan pāākpāāk eo aō ej kōm̧m̧an an po̧tak. Ebōk jilu jekōn n̄an aō leļo̧k n̄an e m̧okta jān aō ro̧o̧l āinwōt kōm̧ij kakkije jān jikuuļ ilo winter in im iien eo ekaamjaktata ilo mour eo aō. ekar iien eo ekamijaktata ilo mour eo aō.
Raan eo jinointata, iaar eļļā jān kūlaaj ruum̧ eo an ak ikar mijak in deļo̧n̄. Innām iaar ron̄ an kūr eō, im eaar letok n̄an eō juon kaat. Iaar riiti kaat eo. Eaar je im ba ke eaar riiti “aolep” peij ko iaar kōkkaļļeiki, im eaar jino lo jet oktak ko ilo tōmak eo aō.
Iaar m̧ōņōņō in kwaļo̧k gospel eo, im eaar ļapļo̧k aō m̧ōņōņō in jerbal n̄an Jemedwōj Ilan̄ ilo juon mijen.