2017
Kajoor in Priesthood ilo Kōjparok Bujen ko
June 2017

Naan in Katak an Kōrā, Juun 2017

Kajoor in Priesthood ilo Kōjparok Bujen ko

Kanooj jar ilo am̧ ekkatak kōn katak in im pukōt n̄an jeļā ta eo kwonaaj kwaļo̧k. Ekōjkan ad naaj meļeļe unleplep eo an Doulul eo an Kōrā ro rej kōpooj leddik ro nejin Anij n̄an kōjeraam̧m̧an ko an mour indeeo?

Pija
Relief Society seal

Tōmak, Baam̧le, Deeor

“Ennaan eo aō n̄an … aolep ej bwe jemaron̄ mour kajjojo awa ‘kōjeraam̧m̧an jān maron̄ im kajoor in priesthood,’ jekdo̧o̧n jekjek rōt ko ad,” Elder Neil L. Andersen eaar ba jān Doulul eo an Jon̄oulruo Rijilōk ro.

“… Ilo am̧ wānōk im bōk koņaam̧ ilo kain̄i ko an priesthood eo, Irooj enaaj lewaj n̄an eok eļap ļo̧k kajoor, aenōm̧m̧an, im kōjatdikdik kōn mour indeeo. Jekdo̧o̧n jekjek rōt eo am̧, kapijuknen eo am̧ enaaj jeraam̧m̧an jān maron̄ im kajoor in priesthood.’”1

Elmen ad bōk tok kajoor in priesthood n̄an mour ko ad? Elder M. Russell Ballard jān Doulul eo an Jon̄oulruo Rijilōk ro eaar kakeememej kōj bwe “ro raar delo̧n̄ ilo dānin peptaij im kar bōk menin letok kwojarjar eo an tampeļ ilo m̧weo im̧ōn Irooj rej maron̄ bōk kōjeraam̧m̧an ko rem̧m̧an. Menin letok kwojarjar eo an tampeļ ej juon menin letok kōn kajoor … [im] Jemedwōj Ilan̄ ejouj kōn kajoor in An.” Ej kakeememej kōj em̧m̧aan ro im kōrā ro “raar jim̧or pelpel kōn ejja kajoor in” ilo tampeļ, “eo ej meļeļein kajoor in priesthood.”2

Linda K. Burton, Būreejtōn eo Eutiej an Doulul eo an Kōrā ro, eaar ba: “Kōnke kajoor in priesthood ej juon men eo jej aolep kōņaan ilo baam̧le im kapijuknen ko ad, ta eo jej aikuj in kōm̧m̧ane n̄an bōktok kajoor in n̄an mour ko ad? Mour jim̧we ej men eo n̄an bōk kajoor in prietshood.”3

“Eļan̄n̄e jej kōttāik kōj im̧aan mejān Irooj im kajjitōk bwe En katakin kōj, Enaaj kwaļo̧k n̄an kōj kilen kōkajoorļo̧k ad bōk kajoor eo An,” Būreejtōn Russell M. Nelson eaar ba, Būreejtōn eo an Doulul eo an Jon̄oulruo Rijilōk ro.4

Kakobaba in Eoon ko im Meļeļe ko

1 Nipai 14:14; Katak im Bujen ko 121:36; 132:20; reliefsociety.lds.org

© 2017 jān Intellectual Reserve, Inc. Aolep jim̧we rej pād ippān. Kar jeje ilo USA. Kōmālim ilo Kajin English: 6/16. Kōmālim an ukook: 6/16. Ukook eo an Visiting Teaching Message, June 2017. Marshallese. 97926 874

Kakeememej ko

  1. Neil L. Andersen, “Kajoor ilo Priesthood eo,” Kweilo̧k eo Eļap, Oktoba. 2013, 92, 95.

  2. M. Russell Ballard, “Men and Women and Priesthood Power,” Liahona, Sept. 2014, 36.

  3. Linda K. Burton, “Priesthood Power—Available to All,” Ensign, June 2014, 21.

  4. Russell M. Nelson, “ Oņāān Kajoor in Priesthood eo,” Kweilo̧k eo Eļap, Eprōļ 2016, 69.

Būriin