Visiting Tijing Mesej, Jun 2017
Paoa blong Prishud taem Kipim ol Kavenan
Stadi long toktok ia wetem prea mo luklukgud blong kasem insperesen blong save wanem blong serem. Olsem wanem nao taem yumi kam blong save stamba tingting blong Rilif Sosaeti i mekem rere ol gel blong God from ol blesing blong laef we i no save finis?
Fet, Famli, Help
“Mesej blong mi i go long … evriwan se yumi save laef long evri aoa ‘mo kasem blesing tru paoa blong prishud paoa,’ nomata long ol situesen blong yumi,” Elda Neil L. Andersen blong Kworom blong ol Twelef Aposol i talem.
“… Taem yu stap klin inaf mo tekpat long ol odinens blong prishud, Lod bae i givim yu moa paoa, pis, mo wan lukluk we i no save finis.” Nomata situesen blong yu, hom blong yu bae ‘kasem blesing tru long fulpaoa blong prishud paoa.’”1
?Olsem wanem yumi invaetem paoa blong prishud insaed long laef blong yumi? Elda M. Russell Ballard blong Kworom blong Olgeta Twelef Aposol i rimaenem yumi se “olgeta we oli go insaed wota blong baptaes mo afta kasem endaomen blong olgeta long haos blong Lod oli gat raet long ol rij mo naesfala blesing. Endaomen hem i minim wan presen blong paoa … [mo] Papa blong yumi long Heven hem i kaen wetem paoa blong Hem.” Hem i rimaenem yumi se ol man mo woman “tugeta oli endao wetem sem paoa” insaed long tempol, “we i minim prishud paoa.”2
Linda K. Burton, Rilif Sosaeti Jeneral Presiden, i talem: “From we prishud paoa hem i wan samting we yumi evriwan i wantem tumas blong gat insaed long ol famli mo hom blong yumi, ?wanem nao yumi nid blong mekem blong invaetem paoa ia insaed long laef blong yumi? Fasin blong stap stret mo klin blong yumi wanwan hem i givim yumi wanwan raet ia blong gat prishud paoa.”3
“Sapos yumi putum tingting blong yumi stap daon blong givim yumiwan long Lod mo askem Hem blong tijim yumi, Hem bae i soem long yumi olsem wanem blong yumi save gat moa raet long paoa blong Hem,” Presiden Russell M. Nelson, Presiden blong Kworom blong Olgeta Twelef Aposol i talem.4
Sam moa skripja mo Infomesen
1 Nifae 14:14; Doctrine and Covenants 121:36; 132:20; reliefsociety.lds.org
© 2017 i kam long Intellectual Reserve, Inc. Oli holem evri raet. Oli printim long USA. Oli letem long Inglis lanwis: 6/16 Oli letem translesen: 6/16 Translesen blong Visiting Teaching Message, June 2017. Bislama. 97926 852