Pweng ke Forfor Luti, Jun 2017
Kuh luhn Pristut ke Karihngihnyacn Olwelah
Pruhe in lutlutkihn kuhfa se inge ac suk kolyuck in etuh ma in akacsruhi kac. Kahlwem ke srihpac luhn Rilif Sosaiti ac ahkoelah fuhkah muhtwacn nuhtin God nuh ke mwe insewowo luhn moul ma pahtpaht uh?
Luhlahlfongi Sucu Kahsruh
“Pweng luhk nuh … sin nuhkwewa pa kuht kuh in moul ao nuh kwewa ‘ahkinsewowoyeyuck ke fokokoiyacn kuh luhn pristut,’ ke oacna sie ma kuht oasr kac,” Elder Neil L. Andersen ke U luhn Mwet Sap Singucul Luo el fahk.
“… Ke kom nwacsnwacs wi ipeis ke akwuck luhn pristut, Leum el ac usot nuh sum fokoko yohk, mislac, ac nuhnak loal luhn ma kawihl. Oacna sie ohiyac ma kom oasr kac, lohm sum ac ‘ahkinsewowoyeyuck ke fokokoiyacn kuh luhn pristut.’”1
Kuht ac suli fuhkah kuh luhn pristut nuh ke moul lasr uh? Elder M. Russell Ballard ke U luhn Mwet Sap Singucul Luo el ahkacsmakihnye kuht lah “elos suc pacptaislac na tohkohyang eis mwe sang muhtahl ke lohm sin Leum uh ikacklah nuh selos mwe kahsruhp ac mwe insewowo wolacna uh. Mwe sang muhtahl se inge pwacyena lah el mwe sang luhn kuh … [ac] Pahpah tuhmasr Inkuhsrao el lipeng ke kuh se Lal uh.” El ahkacsmakihnye kuht lah mukul ac muhtwacn uh “kwewana eis mwe sang muhtahl ke kuh se inge” lun tempuhl, “suc kalmac sacn pa kuh luhn pristut.”2
Linda K. Burton, Prestuhn Luhlahp luhn Rilif Sosaiti, el fahk: “Ke kuh luhn pristut pa sie ma kuht nuh kwewa ke in oasr ke sucu ac lohm sesr uh, meac kuht enenuh in oruh in suli kuh sacn nuh ke moul lasr uh? Suwohswohs luhn kais sie enenweyuck nuh ke oasr luhn kuh luhn pristut.”3
“Fin kuht puhsisacl eiskuhtyang nuh sin Leum ac siyuck Sel in luti kuht, El ac ahkkahlwemye nuh sesr lah kuht ac ahkyohkye fuhkah kuh lasr in ilyak nuh ke kuh Lal,” Prestuhn Russell M. Nelson, Prestuhn luhn U luhn Mwet Sap Singucul Luo el fahk.4
Ma Suhmuhslah ac Koano in Weacng
1 Nephi 14:14; Doctrine and Covenants 121:36; 132:20; reliefsociety.lds.org
© 2017 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn Visiting Teaching Message, June 2017. Kosraean. 97926 868