Parau poro’i nā te mau tuahine hāhaere, tiunu 2017
Te mana autahu’ara’a nā roto i te ha’apa’ora’a i te mau fafaura’a
’A tuatāpapa nā roto i te pure i teie mātēria ’e ma te ’imi ’ia ’ite e aha te fa’a’ite atu. Nāhea te ta’a-maita’i-ra’a i te fā o te Sōtaiete Tauturu e fa’aineine i te mau tamari’i tamāhine a te Atua nō te mau ha’amaita’ira’a nō te ora mure ’ore ?
Fa’aro’o, ’Utuāfare, Tōtauturu
« Ta’u poro’i… i te tā’āto’ara’a, ’oia ho’i, e nehenehe tā tātou ’ia ora i te mau hora ato’a ‘ma te ha’amaita’ihia e te pūai nō te mana o te autahu’ara’a’, noa atu te huru o tō tātou orara’a », ’ua parau ’o Elder Neil L. Andersen nō te pupu nō te Tino ’Ahuru Ma Piti ’Āpōsetolo.
« … ’A ’āmui ti’amā ai ’outou i roto i te mau ’ōro’a o te autahu’ara’a, e hōro’a mai te Fatu ia ’outou i te pūai rahi a’e, te hau [rahi a’e] ’e te hi’ora’a mure ’ore [rahi a’e]. Noa atu te huru o tō ’outou orara’a, e riro tō ’outou ’utuāfare i te ‘ha’amaita’ihia i te pūai nō te mana autahu‘ara’a’ ».1
Nāhea tātou ’ia tītau i te mana autahu’ara’a i roto i tō tātou orara’a ? ’Ua fa’aha’amana’o mai ’o Elder M. Russell Ballard nō te pupu nō te Tino ’Ahuru Ma Piti ’āpōsetolo ’ia tātou ē « te feiā tei tomo i roto i te mau pape o te bāpetizora’a ’e i muri iho ’ua fāri’i i tō rātou ’ōro’a i roto i te fare o te Fatu, e roa’a te mau ha’amaita’ira’a faufa’a roa ’e te fa’ahiahia ia rātou. « Te ’ōro’a hiero ’o te hōro’ara’a mau ïa o te mana… [’e] e hōro’a hua tō tātou Metua i te Ao ra i tōna mana ». Tē faaha’amana’o nei ’oia ia tātou ē « hō’ē ā mana e hō-mai-hia » i te tāne ’e te vahine i roto i te hiero, « ’oia ho’i ïa te mana autahu’ara’a ».2
’Ua parau ’o Linda K. Burton, peresideni rahi o te Sōtaiete Tauturu ē :« Nō te mea ho’i ē te mana o te autahu’ara’a ’o te mea tā tātou pā’āto’a e hina’aro i roto i tō tātou ’utuāfare ’e tō tātou fare, e aha ïa tā tātou e rave nō te ani manihini i teie mana i roto i tō tātou orara’a ? E tītauhia te parau ti’a o te ta’ata iho nō te fāri’i i te mana autahu’ara’a ».3
« Mai te peu e ti’a tātou i mua i te aro o te Fatu ma te ha’eha’a, ma te ani iāna ’ia ha’api’i mai ia tātou, nāna e fa’a’ite mai nāhea i te ha’amatara rahi atu ā nō tātou tōna mana », ’ua parau te peresideni Russell M. Nelson, Peresideni nō te pupu nō te Tino ’Ahuru Ma Piti ’āpōsetolo.4
Te tahi atu mau pāpa’ira’a mo’a ’e mau ha’amāramaramara’a
1 Nephi 14:14 ; Te Parau Ha’api’ira’a ’e te mau Parau Fafau 121:36 ; 132:20 ; reliefsociety.lds.org
© 2017 nā Intellectual Reserve, Inc. Fatura’a pāruruhia. Nene’ihia i Marite. Parau fa’ati’a nō te reo peretāne : 6/16. Parau fa’ati’a nō te ’īritira’a : 6/16. ’Īritira’a nō Visiting Teaching Message, June 2017. Tahitian. 97926 895