UMyalezo Ofundiswa Ngokuvakashelana, ngoJuni 2017
Amandla Obuphristi Atholakala Ngokugcina Izivumelwano
Ngomkhuleko funda lemibhalo ngenhloso yokufuna ukwazi ngalokho ongakhuluma ngakho. Ukwazi ngenhloso yeNhlangano Yabesimame Yosizo kungawasiza kanjani amadodakazi kaNkulunkulu ukuze athole isibusiso sokuphila kwaphakade?
Ukholo Umndeni Insizakalo
“Umyalezo wami kini … wukuthi singakwazi ukuphila ihora nehora ‘sibusiswa ngamandla obuphristi,’ noma ngabe sikusiphi isimo,” kwasho iGosa uNeil L. Andersen woMgwamanda wabaPhostoli abayiShumi naMbili.
“… Ngesikhathi nenza izimiso zobuphristi, iNkosi izoninika amandla, ukuthula, nokukwazi ukubuka izinto ngehlo laphakade. Noma ngabe ukusiphi isimo, ikhaya lakho ‘lizobusiswa ngamandla obuphristi.’”1
Singawathola kanjani amandla obuphristi ezimpilweni zethu? IGosa uM. Russell Ballard woMgwamanda wabaPhostoli abayiShumi naMbili uyasikhumbuza ukuthi “labo abangene emanzini ombhabhadiso kwathi kamuva bathola isipho endlini yeNkosi bakufanele ukuthola izibusiso ezinhle nezimangalisayo. Isipho eqinisweni kuyisipho samandla … [futhi] uBaba oseZulwini uyaphana ngamandla Akhe.” Uyasikhumbuza ukuthi amadoda nabesifazane “bathola amandla afanayo” ethempelini, “okungamandla obuphristi.”2
ULinda K. Burton, uMongameli Jikelele weNhlangano yabesiMame Yosizo, wathi: “Njengoba amandla obuphristi kuyinto sonke esiyidingayo emndenini nasemakhaya ethu, yini thina okufanele siyenze ukuze sithole lawo mandla ezimpilweni zethu na? Ukulunga komuntu uqobo lwakhe kubaluleke kakhulu ukuze siwathole amandla obuphristi.”3
“Uma siziletha ngokuthobeka eNkosini simcele ukuthi asifundise, uzosikhombisa ukuthi singakwandisa kanjani ukuthi thina sithole amandla Akhe” kwasho uMongameli uRussell M. Nelson, uMongameli woMgwamanda wabaPhostoli abayiShumi naMbili.4
Imibhalo eNgcwele kanye nolwazi olungeziwe
1 uNefi 14:14; IMfundiso Nezivumelwano 121:36; 132:20; reliefsociety.lds.org
© 2017 ngabakwa Intellectual Reserve, Inc. Wonke amalungelo agodliwe. Igaywe eMelika. Usuku okuvunywe ngalo ukuba lezi zifundo zikhishwe: 6/16. Usuku okuvunywe ngalo ukuba lezi zifundo zihunyushwe: 6/16. Ukuhunyushwa kweVisiting Teaching Message, June 2017. Zulu. 97926 783