Visiting Teaching Amandzɛɛbɔ, Ayɛwoho 2017

Ama Ɔayɛ Kor

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Yɛretse Relief Society no botae ase no besi dɛn esiesie Nyankopɔn mbabaa no ama onnyiewiei nkwa ho nhyira?

Elder D. Todd Christofferson a ɔkã Asomafo Duebien no hɔn Quorum ho no kyerɛkyerɛɛ dɛ “Jesus nye Egya no nyaa koryɛ a odzi mu ber a Ogyaa Noho mu, wɔ honandua na sunsum mu, dze maa Egya no Ne pɛ.”

“… Nokwar yennkotum nye Nyankopɔn na Christ ayɛ kor kɛpem dɛ yɛdze Hɔn pɛ na dza ɔyɛ Hɔn ahomkã yɛ hɛn pɛ tsitsir. Nnyɛ da kor pɛr na yebotum dze egyaa hɛn mu, naaso ɔnam Sunsum Krɔnkrɔn no do no, sɛ yɛpɛ a Ewuradze bɛkyerɛkyerɛ hɛn, kɛpem dɛ mber rugu mu no, wɔbɛkã no pɛpɛɛpɛ dɛ Ɔtse hɛn mu dɛ mbrɛ Egya no tse No mu.”¹

Linda K. Burton, Wiadze Mfɛndzanan Relief Society President, kyerɛkyerɛɛ mbrɛ yebesi ayɛ edwuma enya koryɛ yi: “Yɛreyɛ na yerisie hɛn ahyɛmudzi kyɛrɛ hɛn pisi dɛ yɛbɛyɛ tse dɛ Agyenkwa no. Dza oye nye yɛbɛper enya suban a wɔakyerɛ no yie wɔ asɔr ndwom a mepɛ ne nsɛnsin kakra mu dɛ: “Mobɔkɔ bea a ipɛ dɛ mokɔ. … Mebɛkã dza ipɛ dɛ mekã. … Mebɛyɛ dza ipɛ dɛ meyɛ.’”²

Elder Christofferson so kaa hɛn dɛ, “Ber a yɛbɔ mbɔdzen dabiara, dapɛn dapɛn, dɛ yebedzi Christ anamɔn do no, hɛn esunsum gyina tumdzi mu, hɛn mu ɔkõ no berɛ adze, na nsɔhwɛ gyaa dɛ wɔhaw.”³

Neill F. Marriot, Ɔpamfo a Otsĩa Ebien wɔ Wiadze Mfɛndzanan Young Women Presidency mu no, gye yɛreper dze hɛnho abata Nyankopɔn ne pɛ ho nhyira ho dase: “Maper dze apow honam apɛdze dɛ mebɛyɛ adze wɔ mo kwan do, a ewiei no meehu dɛ mo kwan tɔ sin, ɔpem adze, na ɔnnto Jesus Christ no kwan no. ‘[Hɛn Ɔsor Egya No] kwan nye kwan a ogya kɔ enyigye wɔ abrabɔ yi mu na onnyiewiei nkwa wɔ wiadze a ɔbɛba no mu.’”⁴ Hom mma yɛmper ahobrɛadze mu ara dɛ yɛnye hɛn Ɔsor Egya na Ne Ba Jesus Christ bɛyɛ kor.

Kyerɛwsɛm na Nsɛm a Ɔkã ho

John 17:20–21; Ephesusfo 4:13; Nkyerɛkyer na Ahyɛmudzi 38:27; reliefsociety.lds.org