Mulwol ni Ngan Fil ni Ngan Nang, July 2017
Ni Ngayog ni Ngar Ta’areb Gaed
Meybil nge bi’eg fapi babyor mag pir’eg e tin ngam mog. Urogon ni ngan nang fan e Relief Society me ayuweg pi fak Got nib ppin ko fapi tawa’ath ni fan ko yafos ni manemus?
Mich Tabinaew Ayuw
“Yesus e yaag ngak’ ni ga’angin fare ta’abang ngak fare Chitamangin napan ni pi’ir, ko dowef nge thothup rok’, ngak fare fanow rok’ e Chitamangin,” ni fil Elder D. Todd Christofferson ko fare Quorum ko fare Ragag nge La’agruwi Apostles.
“… Dabiyog ni ngad ta’arab gaed ngak’ Got nge Kristus nge mada’ ko ngiyal’ ni gubin e dodow rodad ma fan ngorow. Tiney e dabiyog ni nge buch u ta’areb e rran, machane u daken fare Kan ni Thothup, fare Somoel era powi’iydad, nge mada’ ko ngiyal’, ni gubin ngiyal’ ma bay rodad ma fare Chitamangidad e bay Rok’.”1
Linda K. Burton, Relief Society General President, e fil rogon ni rayog ni ngad ta’areb gaed: “Tay falan fapi motochiyel e be dag rogon ni gadad ba’adag ni ngad boeded fare Tathapeg. Biney e rayog ni ngan rin’ ni woed rogon ni bay ko fare babyor ko tang: ‘I’ll go where you want me to go. … I’ll say what you want me to say. … I’ll be what you want me to be.’”2
Elder Christofferson e pug oren ngodad “nap’an gadad be murwel ni urngin e rran nge urngin e wiik ma ngad fol gad ko fare kanowo rok Kristus, ya’el rodad e bea pii’ matowon, fare cham u fithikdad e ra taleg, ma lumel e ra yean.”3
Neill F. Marriott, Bin L’agruw e Counselor u langin fare Young Women General Presidency, e weliy e mich ko fare tawa’ath ni ngan ta’areb nag e kanawo’ rodad ngak Got: “Momaw’ rog ni nge thiliyeg rogon nga rogon ni guba’dag ni ngug rin’ e tirog u kanawo’eg, kug guy ni kanawo’ rog e dariy, ma buch’uw, ma bay nga tangin e tirok’ Yesus Kristus ban’en. ‘[Chitmangdad ni bay u Tharmiy] e ir kanawo’en ni ra fek dad ko falfalan’ u lane biney e yafos nge bin migid e yafos ni manemus ni bayi yib nga m’on.”4 Athamgil gad ngad subut’an gad magdad ta’areb ngak e Chitmangadad ni bay u Thamriy nge fare Fak, Yesus Kristus.
Boech e Scriptures nge Tin ni ngan Nangfan
John 17:20–21; Ephesians 4:13; Doctrine and Covenants 38:27; reliefsociety.lds.org
© 2017 rok Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/17. Micheg nag i pilyeg: 6/17. Pilyeg ni thin ko Visiting Teaching Message, July 2017. Yapese. 97927 905