Cov Hluas

Kev Xyiv Fab Ua Yexus Khetos Ib tug Thwj Tim

Koj puas tau muaj ib hnub uas mus tsis zoo? Koj tau ua li cas kom rov qab zoo siab? Thawj Tswj Hwm Uchtdorf paub tias “peb txhua tus muaj kev nyuaj siab, kev poob siab, kev tu siab. Tej lub sij hawm ua rau peb ntshai thiab ntxhov siab heev.”

Nws txoj kev kho teeb meem yog kev ua neej zoo li “ib tug thwj tim lub neej”: “rau siab ntseeg thiab muaj kev ntseeg mus tom ntej.” Thaum peb muaj kev ntseeg mus tom ntej, peb tso siab rau Vajtswv, ua raws li Nws cov lus txib, thiab pab lwm tus—thiab muaj kev xyiv fab thaum peb ua tej ntawd! Zoo li Thawj Tswj Hwm Uchtdorf hais tias, “Cov uas ua neej zoo li ib tug thwj tim … yog cov uas ua tej yam me me uas pab tau ntau kawg.”

Cia li xav seb puas xav sau tej yam koj ua tau kom ua neej zoo li ib tug thwj tim. Piv txwv hais tias, tej zaum koj yuav sau tej yam uas koj pab tau lwm tus xws li “Pab niam thiab txiv npaj ua mov” los yog tawm tswv yim kom ua raws li cov lus txib xws li “Thov Vajtswv kom ua siab ntev rau kuv cov kwv tij cov muam.” Ces lwm zaus thaum koj ntxhov siab los yog npau taws, cia li saib tej yam koj sau, xaiv ib lub tswv yim, thiab sim ua li ntawd!