Jodikdik ro

Lan̄lōn̄ āinwōt juon Rikaļoor an Jisōs Kraist

Em̧ōj ke an wōr am̧ juon raan enana? Ta eo kwaar kōm̧m̧ane n̄an kam̧ōņōņōik eok? Būreejtōn Uchtdorf ejeļā bwe “kōj ewōr ippād metak bōro, ebbweer, būrom̧ōj ko ad. Jemaron̄ en̄jake ad ebbeer im ilo jet iien tōrjān jon̄an.”

Uwaak eo an n̄an ņamejļan menin ej mour kōn ta eo ej ņaetan “juon mour an rikaļoor”: “tiljek wōt im wōnm̧aanļo̧k wōt ilo tōmak.” N̄e jej wōnm̧aanļo̧k wōt ilo tōmak, jej maron̄ lōke Anij, kōjparok kien ko An, im jerbal n̄an ro jet—im lan̄lōn̄ ilo aolepān. Āinwōt an Būreejtōn Uchtdorf kar ba, “Ro rej mour mour an juon rikaļoor … rej ro me m̧akūtkūt ko aer reddik emakijkij aer kōm̧m̧ane juon oktak eļap.”

Ļōmņak ippam̧ n̄an kōm̧m̧ane juon laajrak in wāween ko me komaron̄ mour kaki āinwōt mour an juon rikaļoor. Āinwōt juon wāween, komaron̄ je juon ļōmņak in jerbal in jipan̄ āinwōt “Jipan̄ juon m̧am̧a ak baba kōpooje m̧ōn̄ā in jota ko” ak juon ļōmņak n̄an kōjparok kien ko āinwōt “Jar bwen ļapļo̧k am̧ kijenmej ippān ro jeim̧ im jatūm̧. Tokālik n̄e kwōj inepata ak tōrjān jon̄an, kwaļo̧k laajrak eo am̧, kālet juon ļōmņak, im kajjieon̄ e!