Naan in Katak an Kōra, O̧kwōj 2017

Mour juon Mour Ekwojarjar

Kanooj jar ilo am̧ ekkatak kōn katak in im pukōt im̧we n̄an jeļā ta eo naaj tilmaake. Ekōjkan ad naaj meļeļe unleplep eo an Doulul eo an Kōrā ro rej kōpooj leddik ro nejin Anij n̄an kōjeraam̧m̧an ko an mour indeeo?

“N̄an ko̧kwojarjar ej n̄an kōjonolo̧k ak wujlepļo̧k juon men eo āinwōt an ekwojarjar, wujlepļo̧k n̄an jibadbad ko rekwojarjar,” Elder D. Christofferson jān Doulul eo an Jon̄oulruo Rijilōk ro ekar ba. “Tōprak eo em̧ool ilo mour in ej itok mour ko ad rekwojarjar—āinwōt in, iien ko ad im kāālet ko—n̄an jibadbad ko an Anij.”¹

Elder Neal A. Maxwell (1926–2004) jān Doulul eo an Jon̄oulruo Rijilōk ro ekar ba, “Jej kajjieon̄ ļōmņak kōn kwojarjar eo wōt āinwōt ej eddōkļo̧k, n̄e tōl eo ekwojarjar ej tōl, men ko m̧weied. Bōtaab kwojarjar eo eļaptata ej eddōkļo̧k jān juon make armej n̄an Anij.”²

Ilo ad ko̧kwojarjar kōj make n̄an jibadbad ko an Anij, tōmak eo ad ilo Jisōs Kraist im ilo Pinmuur eo An enaaj ļapļo̧k. Ilo ad mour juon mour ekwojarjar, jemaron̄ bōk kwojarjar jān m̧akūtkūt kein.

Carole M. Stephens, Rikakpilōklōk eo Kein Kajuon ilo Būreejtōnji eo an Doulul eo an Kōrā ro, ekar ba: “Elder Robert D. Hales ekar katakin, “N̄e jej kōm̧m̧an im kōjparok bujen ko, jej diwōjļo̧k jān laļ in im deļo̧n̄ļo̧k aelōn̄ in kiin̄ eo an Anij.’

“Jej oktak. Eoktak piktokid, im m̧akūtkūt ko ad roktak. Men ko jej ron̄jaki im riiti im ba rej oktak, im nuknuk ko jej kōņaki roktak kōnke jej erom̧ leddik ro nejin Anij em̧ōj likwōj er Ippān kōn bujen.”³

Kōkwojarjar ej bujen eo Anij ej kōm̧m̧an “ippān m̧ōn Israel ālikin raan kein, Jeova ej ba. Inaaj likūt kien eo Aō ilo er, im Inaaj je e ioon būruer, im Inaaj Anij eo aer, im renaaj armej ro doō” (Jeremaia 31:33). Mour juon mour ekwojarjar ej inem̧m̧an ippān karōk eo an Anij n̄an kōj.

Bar Jet Eoon Ko

1 Tessalonika 1:3; Katak im Bujen ko 105:5;

reliefsociety.lds.org

© 2017 jān Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/17. Kōmālim an ukook: 6/17. Ukook eo an Visiting Teaching Message, August 2017. Marshallese. 97928 874