Mbabun

Dɛwdzi dɛ eyɛ Jesus Christ Osuanyi

Ana da bi annkɔ yie amma wo a? Ebɛnadze na eyɛe dze kyekyee wo werɛ? President Uchtdorf nyim dɛ “hɛn nyina yɛwɔ hɛn akoma mu yaw, hɛn nkõgu na hɛn awerɛhow. Yebotum mpo enya abagura atsenkã ma ɔtɔfabi a ɔabor hɛn do.

Ne nyiano nye yɛbɔbɔ bra a ɔfrɛ no “osuanyi n’abrabɔ”: “yebedzi nokwar na yɛakɔ do akɔ kan wɔ gyedzi mu.” Sɛ yɛkɔ kan wɔ gyedzi mu a, yetum twer Nyankopɔn, na yesie Ne mbrasɛm, na yɛsom nkaafo—na ne nyina mu no yenya enyigye! Dɛ mbrɛ President Uchtdorf kãe no, “Hɔn a wɔdze osuanyi n’abrabɔ bɔ bra no … nye hɔn a hɔn ndzeyɛɛ nketseabaa nya nsonsonee kɛse no.

Susu dɛ ebɛkyerɛw akwan nkorkor a ibotum atsena ase abɔ osũanyi n’abrabɔ. Mfatoho, ibotum akyerɛw adwenkyerɛ bi ato hɔ a wɔdze som dɛ “Boa ɔwofo ma ɔnyɛ ewimbir edziban” anaa adwenkyerɛ bi a wɔdze besie mbrasɛm no, dɛ “Morobɔ mpaa enya abotar mbordo ama mo nuanom.” Ber a ɔbɛba no dɛ ibenya abagura anaa ndzɛmba bɔbor wo do no, twe dza akyerɛw no nkorkor no, yi adwenkyerɛ kor, na fadzi dwuma!