Visiting Teaching Amandzɛɛbɔ, Dzifuu 2017

Yɛrobɔ Etuhoakyɛ Bra

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Yɛretse Relief Society no botae ase no besi dɛn esiesie Nyankopɔn mbabaa no ama onnyiewiei nkwa ho nhyira?

Relief Society seal — Gyedzi, Ebusua, Mboa

Elder D. Todd Christofferson a ɔkã Asomafo Duebien no hɔn Quorum ho no see dɛ: “Etu si hɔ nye dɛ edze biribi si nkyɛn anaa edze ma biribia a ɔyɛ krɔnkrɔn, ma wɔdze yɛ botae krɔnkrɔn nko. Abrabɔ mu konyimdzi ankasa ba ber a yetu hɛn abrabɔ si hɔ—mekyerɛ, hɛn mber na nsanmuyi—ma Nyankopɔn no botae.”¹

Elder Neal A. Maxwell (1926–2004) a ɔkã Asomafo Duebien no hɔn Quorum ho kãa dɛ, “Yɛtaa dɛ yɛdwen etuhoakyɛ dɛ yɛregyaa biribi nko mu, ber a Nyame akyerɛ no, hɛn ahonyadze. Mbom etuhoakyɛ a ɔkrɔn no nye yɛregyaa hɛnho mu ama Nyankopɔn.”²

Ber a yetu hɛnho si hɔ ma Nyankopɔn no botae no, hɛn gyedzi wɔ Jesus Christ mu na No Werdambɔ mu no bɛyɛ kɛse. Na ber a yɛbɔ etuhoakyɛ abrabɔ no, obotum ama yeedua dɛm ndzeyɛɛ no mu yɛabɛyɛ krɔnkrɔn.

Carole M. Stephens, Ɔpamfo a Odzi Kan wɔ Relief Society Presidency mu no, kãa dɛ: Elder Robert D. Hales akyerɛkyerɛ dɛ, ‘Sɛ yedzi ahyɛmu na yesie a, nna yerifi wiadze na yɛreba Nyankopɔn n’Ahenman no mu.’

“Ɔsesã hɛn. Hɛn hwɛbea sesã, na hɛn ndzeyɛɛ yɛ soronko. Ndzɛmba a yetsie na yɛkenkan na yɛkã sesã, na ɔson dza yɛhyɛ osiandɛ yɛabɛyɛ Nyankopɔn ne mbabaa a yɛnye no edzi ahyɛmu.”³

Etuhoakyɛ nye ahyɛmu a Nyankopɔn nye “Israel fi dzi; Wɔ nda no ekyir no, Ewuradze na ɔse, medze me mbra bɛhyɛ hɔn mu, na hɔn akoma mu na mebɛkyerɛw mu; na emi mebɛyɛ hɔn Nyankopɔn, na hɔn so wɔayɛ me man”Jeremiah 31:33 Yɛrobɔ etuhoakyɛ bra nye Nyankopɔn ne nhyehyɛɛ Ɔma hɛn no saa.

Kyerɛwsɛm a Ɔkã ho

1 Thessalonicafo 1:3; Nkyerɛkyerɛ na Ahyɛmudzi 105:5;

reliefsociety.lds.org