Poraus seni ewe Aewin Presetensi, August 2017
Manauen Emon Chon Kaeo
Inik ier a no me non Ghana, emon chon sukunen college itan Doe a karan ipwenong non ew imwenfenin LDS Emon chienan nengin a tingorei epwe fiti, iwe Doe a fokkun mochen an epwe sinei ika ifa ussun ewe Mwichefen.
Ekkewe aramas ikana ra fokkun eoch me kirekiroch iwe a fokkun chok ekieki ika “Met sokkun mwichefen ei?”
Doe a fokkun mefi an ingeno iwe a ekiekin an epwe anapano an kaeo ussun ewe Mwichefen me ekkewe aramas ra choni, ir minne ekkewe ra ur ren wachimuken pwapwa. Nge nupwen chok a mwittir poputani ne fori ei, chon an famini me chiechan kewe mi netipengaw ra poputa ne u ngeni I non mettoch meinisin epwe fori. Ra apasa mettoch mi ngaw ussun ewe Mwichefen me fori sokopaten met ra tongeni ar repwe etipetipa netipen nemiewe.
Nge Doe a fen angei ew kapasen pwarata.
A wor an nuku, me a fokkun tongei ewe kapas annim, ewe a ourano non manauan ren pwapwa. Iwe mwirin, a tonong non ewe konikin papatais.
Me mwirin ena, a amouono inisin ne kaeo me iotek. A echikefen me mochen ewe memefin ewe Ngun Mi Fel non manauan. Iwe ren met a pwano, an Doe kapasen pwarata me nuku a pochokunono me anononeno. Iwe mwirin chok a ekieki pwe epwene fori angangen misineri fan iten ewe Samol.
Mwirin an a niwin seni an ewe angangen misieri, a chiechi ngeni emon at a pwan awesi a angangen misineri— iwe ra pupunu inai chok pwan ewe a papataisei neminena ekkoch ier me mwan—iwe mwirin ra riri non ewe Johannesburg South Africa Temple.
Chommong ier ra no seni ewe fansoun Doe Kaku a karan sinei ewe pwapwan ewe kapas allimen Jises Kraist. Non ena fansoun, nonnomun non manauan Doe ese fokkun murinno ngeni. A manaueni manauen riaffoun netipeta ren manon ruemon semirit—ewe anonnonun netipeta ren ekkewe memefin eriaffou mi chok wor chourekin non netipan.
Nge I me punuwan ewe itan Anthony, ra achocho ngeni ar repwe kanefengen me ngeni semer we won Nang, ewe ra tongei seni unusen netiper.
Ikenai, 30 ier mwirin an ewe a tonong non ewe konikin papatais, Sister Kaku a fen pwan awesano an angangen misineri—nge ei fansoun a fiti punuwan, ewe a presetenin ewe Nigeria misin.
Ren ekkewe ra sisinei Sister Kaku ra apasa pwe a wor eoch mettoch mi fokkun mi fokkun auchea ussun i. A saramaram. Mi weires an epwe wor om fansoun ngeni nge kosap mefi pwapwa won inisum.
An kapasen pwarata a fokkun pung: “Uwa sinei pwe ewe Chon Amanau a kunaei pwe ngang Noun nengin me chienan (nengeni Mosiah 5:7; Ether 3:14),” a apasa. ”“Me ua kaeo pwan achocho ngeni ren ai tongeni ai upwe pwan winiti pwan emon chiechian—esap chok ren met uwa apasa nge pwan ren met uwa fori.”
Kich Chon Kaeo
Porousen Sister Kaku a nonno ngeni pwan ekkoch porous. A mochen an epwe sinei ewe ennet, a niwini ngeni an epwe anapano ewe saram non pekin ngun, a pwarano an tong fan iten Kot me chiechian, me non anein an nonnom a kuna riaffou me netipengaw.
Nge ina mwo ren ewe tipefesen, ina mwo ren ewe netipengaw, a chok feinno mwan non nuku. Me met chok a uchea, a chok nonnom non an pwapwa. A kuna ew aan an esap chok riaffouni ekkewe manauen riaffou nge pwan achocho ngeni an epwe ngas senir!
Porousan a chok ussun porousom me porousei
Fan ekkoch ach sai ese wor osukosukan ika ese wor kokotongawan.
Emon me emon kich a wor ach netipeta, ach osukosuk, ach noninen
Meni sipwe fen pwan mefi tipemwaramwar me fan ekkoch sise sinei met sipwe fori.
Nge ekkana ra manaueni manauen emon chon kaeo—ekkewe ra chok nonnom non ar nukuchar me feinno mwer non nuku; ekkewe ra nukunuk non Kot me aponueta an kewe annuk1 ekkewe ra manaueni ewe kapas annim iteiten ran me iteiten kunok; ekkewe ra awora ar aninis ussun an Kraist aninis ngeni ekkewe chon nom unukur, ew angang mi murino non ew fansoun—ekkewe ar fofor mi kukkun ra forata watten sokofesenin.
Ekkewe ra ekis kirekiroch, ekis netipoch, me ew angng umoumoch ir ekkewe mi umoumoch repwe angei umoumoch.2 Ekkewe ra fori ei fonufan epwe ew neni mi murinno, emon a tong me tumun non ew fansoun, me achocho ngeni an epwe feiochuni feiochun menemenoch, me kinamwein manauen emon chon kaeo noun Jises Kraist ir ekkewe repwe kuna pwapwa.
They will know that “the love of God, which sheddeth itself abroad in the hearts of the children of men … is the most desirable above all things … and the most joyous to the soul.”<TARGETRepwe sinei pwe “ewe tongen Kot, ewe a chou fetan no netipen ekkewe noun aramas … ina ewe auchean mettoch sia mochen me nein mettoch meinisin … me ewe a kon apwapwa ngeni ngun.”3
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/17 Kapungunon awewen: 6/17. Chiakun First Presidency Message, August 2017. Chuukese (Trukese). 97928 901