Poraus seni Fefin Chon Amwa, August 2017
Manaueni ew Manau mi Pin
Anneani ekkei poraus fiti iotek me kutta om kopwe sinei met kopwe aporausa. Ifa usun ach weweiti ewe popun Fin Anisi epwe amwonata noun Kot fopun ren ekkewe feiochun manau esemuch?
Nuku Famini Aninis
“Ren efeioch nupwen a emon a efeioch ika koko ngeni ew mettoch mi pin, achocho ngeni popun mi pin,” Elter D. Todd Christofferson seni ew Mwichen ekkewe Engon me Ruemon Aposel “Ennetin fefeita non manau a feitto seni tumunochun manauach—ina, ach fansoun me mochen—ngeni an Kot popun.”1
Elter Neal A. Maxwell (1926–2004) seni ewe Mwichen Engon me Ruemon Aposel a apasa, “Sia oruni ne ekieki ussun epinipin a chok fis nupwe a wor emwenin mettoch mi murinno, pisekin kewe. Nge epinipin ina ewe murinon efeioch ngenikich ngeni Kot.”2
Nupwe sia epinano inisich ngeni an Kot popun, ach nuku non Jises Kraist me non An Achasefan epwe napeno. Nupwen sia nonnom non ew manau mi pin, sia tongeni sipwe pin non ekkana mokutukut.
Carole M. Stephens, Aemonun Chon Aninis non ewe Presetensi ren Mwichen Fin Anisi, a apasa: Elter Robert D. Hales a afanafana, ‘Nupwen sia fori me aponueta kewe pwon, sia tou seni fonufan me tonog non ewe muun Kot.’
“Sia ekesiwin. A sokono mesemesach, me a sokoo ach mokutukut. Ekkewe mettoch sia rongorong ngeni me annean me apasa ra sokono, me met sia ufouf mi sokono pokiten sia winiti noun Kot nengin sia riri ngeni I ren pwon.3
Nge iei ewe pwon mi fo upwe fori ngeni chon Israel non ekana ran: Upwe atononga ai kewe annuk non ir o makeretiu non netiper. Iwe, upwe ar Kot, nge ir repwe nei aramas kana” (Jeremiah 31:33). Manaueni ew manau mi pin a fokkun murinno ngeni an Kot kokkot ngenikich.
Pwan ekkoch Wokisin
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/17 Kapungunon awewen: 6/17. Chiakun Visiting Teaching Message, August 2017. Chuukese (Trukese). 97928 901