Etop eketode First Presidency, Ofiong Itiaita ke isua 2017
Uwem Owo-mbet
Ke isua Edip-ye-duop emi ekebede ke idut Ghana, ekpri eyen-ufoknwed emi ekerede Doe ke akpa ini ama ebe oduk esit ebiet ukpono-Abasi eke LDS. Ufan esie kiet okokot Doe ete edisanga ye imo man ika, ndien Doe ama otim oyom ndidiongo nte Ufok Abasi oro etiede.
Mbon-owo ekedude do ema efon-uwem enyung eyama- ido tutu enye otongo ndikere ete, “Nso oruk Ufok Abasi idi emi?”
Doe ama okop inemesit tutu enye edibiere ndibo ukpeb ofon mbanga Ufok Abasi ye mbon ufok Abasi oro, emi ekeyohode ye oruk akwa idara emi. Edi ikebighike ke nte enye okotongode ndinam oro, mbon ufokemana ye ufan esie ema etongo ndisua-nno enye ke ofuri ndaha. Mmo ema eting ekese ndioi nkpo ebanga Ufok Abasi enyung enam kpukpru se mmo ekemede ndibiongore enye.
Edi Doe ama enyenyene iko ntiense.
Enye ama enyene mbuotidem, onyung ama iko Abasi, emi ekesinode oyoho idaresit ke uwem esie. Ndien ke ntre, enye ama obo uduok-mmong.
Ke oro okurede, enye ama ayak idemesie esin ke ndikot nwed Abasi nnyung mbong-akam. Enye esitie utre-udia onyung oyom odudu Edisana Spirit ke uwem esie. Oto ke oro, iko ntiense ye mbuotidem eke Doe ama okori onyung osongo-ada. Ke akpatre enye ama ebiere ndika full-time mission nno Abasi.
Ke enye ama okonyong mission esie edi, enye enyime-ndima onyung anam-ndo ye returned missionary kiet—owo oro emi okoduokde enye mmong ke mme isua emi ekebede—ndien edikem mmo ekedian-ndo mmo ke Johannesburg South Africa Temple.
Ediwak isua edibe tongo nte Doe Kaku ekenyene akpa idara ifiok-ukpeb abanga iko Abasi Jesus Christ. Ke mme esit ini oro, uwem ikesiwakke ndidi inem-inem nno enye. Enye ama esidinyene iduoesit ye unana –idorenyin eke idemesie, emi edide ndinana ndito esie mbiba—akwa ubiak eke nkpo-ntibe oro ke osuk efifighe enye ke esit.
Edi enye ye ebe esie, Anthony, edomo ukeme ndidu mkpere kiet eken ye edima Ete mmo ke Enyong, emi mmo emade ke ofuri esit mmo.
Mfin emi, isua Edip-ye-duop tongo nte enye okoduok mmong, ibighike nte Sister Kaku okokure full-time mission efen—ini enye emi enye akasanga ye ebe esie emi ekedide president mission ke Nigeria.
Mbon-owo emi ekefiokde Sister Kaku eketing ete ke asanga-sanga nkpo odu kabanga enye. Enye esiyayama. Imemke owo ndidu ye enye ke afo mudukopke inemesit ke idem fo.
Iko ntiense esie edi akpaniko, enye odoho ete: “Ami mmediongo nte ke Andinyanga ada mi nte eyen-anwan ye ufan Esie (se ke Mosiah 5:7; Ether 3:14),” she says. “Ndien ami ke mmetim mkpeb nnyung nnwana ndidi ufan Esie nko—idige ke se ami ntingde kpot edi nko edi ke se ami nnamde.”
Nnyin Idi mme Mbet
Mbuk Sister Kaku edi ukem-ukem nte eke ediwak mbon efen. Enye ama enyene udong ndidiongo akpaniko, enye ekpe ekom-urua man enyene unwana eke spirit, enye owut ima esie ono Abasi ye mbonowo esie efen, ndien ke ndinam emi enye ama okut ukut ye mfuho.
Edi ke suto ubiongo ekpedide, ke suto mfuho ekpedide, enye akaka-iso ke mbuotidem. Sia oro edide akpan-nkpo, enye ama omum idaresit esie akama. Enye ikoyomke usung kpot ndiyo ukut eke uwem edi ndika iso nam nti nkpo ke ufot ukut oro!
Mbuk esie edi ukem-ukem ono eke mi ye eke mbufo.
Uwem nnyin ke isong emi iwakke ndifon-mma mme ndinana idomo.
Nnyin owo kiet-kiet imenyene iduoesit, edikpu, mfuho nnyin.
Nnyin imekeme ndikop ekaha ndien ke ubak-ini ebiet nte ke nkpo oro eyekan nnyin.
Edi mmo ekedude uwem nte mbet—emi ebuotde-idem enyung ekade iso ke mbuotidem; emi enimde Abasi ke akpaniko enyung enim ewuho Esie;1 emi enamde iko Abasi k-usen-k’usen ye kini-kini; emi enamde mbiet utom-unwam eke Christ eno mbonowo emi ekperede mmo, ndinam eti nkpo kiet ke ini kiet—edi mbon emi eke mkpri utom mmo esiwakde ndinam akamba ukpuhore.
Mbon emi efonde-ido esisit, enyene ekpri edifen-nno, enyung enyene ata esit-mbom edi mme atua-owo-mbom emi edituade mbufo mbom.2 Mbon-owo eke enamde ererimbot emi edi eti ebiet, owo kiet eke esede enyin onyung anamde utom ima ke ini kiet, onyung odomode ukeme ndidu-uwem edidiong, nkop-uyuho, ye emem nte mbet Jesus Christ edi mmo emi edinyenede idaresit ke akpatre.
Mmo eyediongo ete ke “ima Abasi, emi odude ke esit ndito owo … edi nkpo emi onode ukpong inemesit … ye akwa idaresit akan. ”3
©2017 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Ndikabare Etop eke First Presidency Message, August 2017. Efik 97928 553