Etop eke Visiting Teaching, Ofiong Itiaita Isua 2013

Ndidu-uwem emi Onode Abasi ofuri-nkpo

Bong akam kpeb nkpo emi ndien yom ifiok eke spirit ke ndidiongo se ekpebuanade. Didie ke ndifiok utom Nka iBan edibenge ndito-iban Abasi ono mme edidiong eke nsinsi uwem?

Relief Society seal — Mbuotidem, Ufokemana, Unwam

Elder D. Todd Christofferson eke Eboho mme Apostles Duopeba okodoho ete ke, “Ndino Abasi ofuri-nkpo edi ndisio mme ndimek nkpo nim nte edisana, nyak nno ndisana utom.” “Ata edikut-unen ke uwem emi edi ke ndiyak uwem nnyin-nno—oro edi, ndiyak ini ye mbumek nnyin—nno utom Abasi.”¹

Elder Neal A. Maxwell (1926–2004) eke Eboho mme Apostles Duopeba eketing ete ke, “Nnyin isikere ibanga nte ke ndino Abasi ofuri-nkpo oworo ndisana ofuri-nkpo, edide inyene nnyin nno, nte spirit editemede. Edi nkokure se ikpenode edi ndiyak idem nnyin nno Abasi.”²

Nte nnyin iyakde ofuri idem nnyin isin ke utom Abasi, mbuotidem nnyin ke Jesus Christ ye ke Erisio-isop Esie eyekori. Nte nnyin idude uwem edino Abasi ofuri-nkpo, ekeme ndinam nnyin isana-ima oto ke mme edinam oro.

Carole M. Stephens, Akpa Onoitem ke Presidency eke Nka Iban, okodoho ete ke: “Elder Robert D. Hales ekekpeb ete , “Ke ini nnyin inamde inyung inimde ediomi, nnyin imeworo ke ererimbot inyung iduk ke obio-ubong Abasi.’

“Ema ekpuhore nnyin. Nnyin idi isio-isio, inyung inam nkpo isio-isio. Mme nkpo eke nnyin ikpangde-utong ikop ye eke ikotde ye eke itingde enyene ukpuhore, ndien se nnyin isinede okpuhore koro nnyin imekabare idi ndito-iban Abasi emi ediande eno Enye oto ke ediomi.”³

Ndino Abasi ofuri-nkpo edi ediomi emi Abasi anamde “ye ufok Israel; Ke mme usen oro ama ebe, Jehovah odoho: nyesin mmo mbet mi ke esit, nnyung nwet mmo ke owong esit; nyenyung ndi Abasi mmo, ndien mmo eyedi ikot mi” (Jeremiah 31:33). Ndidu uwem emi inode Abasi ofuri-nkpo asanga ke uduak emi Abasi enyenede ono nnyin.

Mme Ndadian Itie Nwed Abasi Efen

1 Thessalonians 1:3; Doctrine ye Covenants 105:5;

reliefsociety.lds.org

©2017 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Ndikabare etop eke Visiting Teaching Message, August 2017. Efik 97928 553