Klumech er a First Presidency, Ongeai el buil 2017
Klengar er a Oltirakl
Okedei el rak er a memong er a beluu er a Ghana, e a ngeasek el ngalek er a skuul er a daingak el ngklel a Doe a mle ketengel soiseb er a chelsel a ikelesia er a re LDS. A tara sechelei a mle siotai er a Doe lobengkel, me a Doe a mle semeriar el mo medengei el k mo ngua ngera Ikelesia.
A rechad a meral mle ungil a blekerdelir me a omerellir me ng mlo mechas a rengul el kmo, “Tiang uangera el Ikelesia?”
A Doe a kmal mlo mechas a rengul me ng tilbir el muut el mo mesuub el kirel a Ikelesia me a rechad er a ngii, el tir a mle mui er a deureng. A lomechelang el mesuub, e a rekmeed el chedal a telungalek er ngii me a resechelil a mocha melekoi a betok el tekoi lomtok er ngii. Te dilu kmal betok el mekngit el tekoi el kirel a Ikelesia e mle blak a rengrir el melasm el mengeuid er a uldesuel.
E ng di Doe a uleba klaumerang.
Ng mla er ngii a klaumera er ngii, e mle semeriar el kirel ebangkelio, le ng milchesuar a deureng er a klengar ngii. Me ng, mocha metecholb.
Uriul, e ng mle blak a rengul el mesuub e meluluuch. Ng ulsengerenger losiik er a ngerel Chedaol Reng er a klengar ngii, A uriul, e a klaumerang er a Doe a mirrael el mo mesisiich e dmolech. Ng mocha tibir er a rengul el mo misionari el mo mesiou er a Rubak.
Uriul er a mision er ngii, e ng mlo kasisiik ngii me a dirrek el mla mo merek el misionari el chad—el osisiu el chad el milsa techolbechelid er a tela el rak ruchei—e te mlo moak el kaubuch er a Johannesburg South Africa Temple.
Betok el rak a mla mocheuekl er a le kot a Doe el metik er a deureng er a chelsel ebangkelio er a Jesus Kristo. Chelsel aikaikid el taem, e ng dimlak di lungil besul a rokui el tekoi er a klengar ngii. Ng mla otekangel aikel kuk blingelel er a ringel me a klengit el reng, luldimukl a kodellir a reteru el ngelekel— el ngii a tara klengit el reng el kmal dirk oberaod er a rengul.
E ng di ngii me a bechil, er a Anthony, a kmal mla melasm el mo tang el terung e dirrek el tang lobengkel a Demerir er a Babeluades, el kmal betik a rengrir er ngii.
Chelechal sils, el mla mo okedei el rak ruriul er a techolbechelid er ngii, e a Sister Kaku a dirk mlo merek er a kuk tara mision—el lulbengkel a bechil, el ngii a mle merredel er a mision er a Nigeria.
Tirle chad el medengelii a Sister Kaku a melekoi el kmo ngarngii a kmo ngera el ngodech er ngii. Ng di ungil a rengul. Ng meringel a dobengkel e lak domelchesiu el ungil a rengud.
A klaumera er ngii a merang: “Ak medengei el kmo a Osobel a omes er ngak el Ngelekel redil e sechelil (mesa Mosiah 5:7; Ether 3:14),” ng melekoi. “E ngak a mesuub e meringel el melasm el dirrek el mo Sechelil—el diak lultuil er a omelkingek ng dirrek el omerellek.”
Kid A Roltirakl
A cheldechedechal a Sister Kakuk a osisiu er a cheldechederir a rebetok el chad. Ng mle semeriar el mo medengelii a klemerang, e mlo er sel tkul er bab el mo nguu chedaol llomes, ng ulechotii a beltkil a rengul el mo er a Dios me a rebebil, e a osisiu el taem e ng dirrek el siliseb er a ringel me a klengit el reng.
E ng di dimlak el iio re ra ultok, me a dimlak el iior er a klengit el reng, le ngii a millmeolem el urrekodel er a klaumerang. E sel kmal klou a belkul, ng mle urrekodel er a deureng. Ng miltik er a rael el diak di loutekangel er a ikel ringel er a klengar, ng dirrek el di millemolem el ngara deureng.
A cheldechedechal a kmeed el di uai kau me a ngak.
Ng diak el belchoel di ungil besul a rokui el rekoi er a klengar kid.
Kid el rokui el di chemur a ringel, me a ouchel reng, me a klengit el reng.
Ng dirrek el ngarngii a taem e ng mo mesaul a rengud malechub e kede omelchesiu er a berraod.
E ng di tirkel kiei er a kelngar e ra roltirakl—el tir a melemolem el blak a rengrir e melemolem lultuil er a klaumerang; e oumerang er a Dios e oltirakl a Llechul;1 e oltirakl er a ebangkleio er a bek el sils me a bek el sikang; e otii a blekerdelel a Kristo er a omesiou el mo er a re ngara bita er tir, lochotii a tal ungil omeruul er a tal taem—a tirkaikid tirkel mekekerei omerellir a klou a rellii.
Tikrel lochotii a telkib el blekokeuii, telkib el klausubes, me a olchotel a chubechub a tir a mo nguu a chubechub.2 Tirkel tir a meleketek er a beluulechad el mo ungil basio, el omekerreu e oubeltik el reng er a tal taem, me tirkel tir a melasm el mo kiei el ngara klengeltengat, me a klungiolel, me a budech el klengar loltirakl er a Jesus Kristo a tir a mo metik er a deureng ruriul.
Te mo medengei el kmo sel “beltik el reng er a Dios, el ngii oberk er a rengrir a rengelekel a chad … a ngii a kot el kesiokel er a rokui el tekoi … e kot el ngaruchei el deuil a reng.”3
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/17. Kengei er a oidel: 6/17. Oidel a First Presidency Message, August 2017. Palauan. 97928 881