Klumech er a Oldingel e Olisechakl, Ongeai el buil 2017
Kiei er a Chedaol Klengar
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera sel klemedengei er a moktek er a Relief Society e kudmekelterir a rengelekel a Dios el redil el kirel a klengeltengat er a diak a ulebengelel klengar?
Klaumerang Telungalek Ngesou
“A doruul a uldars e kede cheklii malechub e kede oterkeklii a kmo ngerang el chedaol, el ulterekokl el chedaol a moktek er ngii,” ng millekoi a Elder D. Todd Christofferson er a Chelechad er a Teruich me a terung el Apostol. “A meral klungiolel a klengar a mei sel dodersii a klengar—kid, odars a temed me a ikel dolilt el meruul—el kirel a moktek er a Dios.1
A Elder Neal A. Maxwell (1926–2004) er a Chelechad er a Teruich me a teru el Apostol a millekoi el kmo, “Kede omdasou el kirel a uldars el kmo kede di mo mechei a rokui el tekoi, lultuil er a chedaol okedong, a klokled el rokui. E ng di a mera er ngii a uldars a sel dodersid el chad el mo er a Dios.”2
Sel dodersid el kirel a moktek er a Dios, e a klaumera er kid er a Jesus Kristo me a Tngakireng er Ngii a meleketek. Sel de kiei er a ulterekokl el klengar, e ng sebeched el mo chedaol lokiu a omerelled.
A Carole M. Stephens, el Kot el Counselor er a Cheldellel omerredel er a Relief Society, a millekoi el kmo: “A Elder Robert D. Hales a ulsisechakl el kmo, ‘Sel doruul e doltirakl a telbiil, e kede uaia detobed er tial beluulechad e soiseb er a rengedel a Dios.’
“Kede mengodech. Ngodech a lomes e rkid a rechad, me a doruul el tekoi meng ngodech. A tekoi el dorrenges e menguiu e melekoi a ngodech, me a doubail el baill me ngodech le kid el mo ngelekel a Dios el redil e rengodel er Ngii lokiu a telbiil.3
A uldars a telbiil el Dios a kudmeklii “lobengkel a blai er a Israel; Uriul er a ikel sils, ng millekoi a Rubak, e a llechuk a mo ngara chelsir, e mo llechukl er a rengrir; e mo Dios er a tir, me tir a mo chedak” (Jeremiah 31:33). A de kiei er a ulterekokl el klengar e ng ta moktek er kid me sel uldesuel a Dios el kired.
Bebil er a Bades
© 2017 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/17. Kengei er a oidel: 6/17. Oidel a Visiting Teaching Message, August 2017. Palauan. 97928 881