Mensahe iti Visiting Teaching, Agosto 2013
Panagbiag iti Nakonsagraran a Biag
Nainkararagan nga adalenyo daytoy a material ken kalikagumanyo nga ammuen no ania ti ibinglayyo. Kasano a ti pannakaawattayo iti panggep ti Relief Society ket mangisagananto kadagiti annak a babbai ti Dios para kadagiti bendision ti agnanayon a biag?
Pammati, Pamilia, Tulong
“Ti panagkongsagrar ket panangtuding wenno panangidaton iti maysa a banag a sagrado, panangitalaga kadagiti nasantuan a panggep,” kinuna ni Elder D. Todd Christofferson ti Korum dagiti Sangapulo-ket-dua nga Apostol. “Dumteng ti pudno a balligi iti daytoy a biag iti panangikonsagrar iti biagtayo—dayta ti, panawen ken dagiti pilitayo—kadagiti panggep ti Dios.”1
Elder Neal A. Maxwell (1926–2004) ti Korum dagiti Sangapulo-ket dua nga Apostol kinunana, “Intay panunoten ti panagkonsagrar a panangisuko, no nadiosan a naiturong, kadagiti material a tagikuatayo. Ngem ti kangatuan a kita ti panagkonsagrar ket panangisuko iti bagitayo iti Dios.”2
Bayat ti panangikonsagrartayo iti bagbagitayo kadagiti panggep ti Dios, pumigsa ti pammatitayo ken ni Jesucristo ken iti Panubbotna. Bayat ti panagbiagtayo iti nakonsagraran a biag, makapagbalintayo a nasantuan babaen dagita nga aramid.
Carole M. Stephens, Umuna a Mammagbaga iti Panguluen ti Relief Society , kinunana: “Insuro ni Elder Robert D. Hales, ‘No agaramid ken agtungpaltayo kadagiti katulagan, rummuartayo iti lubong ken agturongtayo iti pagarian ti Dios.’
“Nabalbaliwantayo. Aglangatayo a naiduma, ken agtignaytayo a naiduma. Dagiti banag a denggen ken basaen ken sawen ket naiduma, ken naiduma ti suottayo gapu ta agbalintayo nga annakna a babbai.”3
Ti panagkonsagrar ket ti katulagan nga aramiden ti Dios “iti balay ti Israel; Kalpasan dagidiay nga aldaw, kinuna ti Apo, isaadkonto ti lintegko iti unegda, ken isuratkonto iti pusoda; ket siakto ti Diosda, ken isudanto ti ilik ” (Jeremias 31:33). Ti panagbiag iti nakonsagraran a panagbiag ken adda iti panangitunos iti plano ti Dios para kadatayo.
Dagiti Mainayon a Nasantuan a Kasuratan
© 2017 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/17. Pannakaanamongna a maipatarus: 6/17. Pannakaipatarus ti Visiting Teaching Message, August 2017. Ilokano. 97928 864