Iren Mahsen en Padahk en Pas, Septempe 2017
En Mohngiong Ehute
Onopki ni kapakap dipwisou wet oh rapahki kaweid pwehn ese dahme ke pahn ehukihda. Ia mwomwen esehla kahrepen Pwihn en Sawas en Lih eh pahn kak kaunopada Sapwellimen Koht serepein kan ong kapai kan en mour soutuk?
Pwoson Peneinei Sawas
“Oh Kauno ketin kahdaneki sapwellime aramas akan Saion, pwehki irail ahneki mohngiong oh lamalam ehute, oh kin wiewia me pwung; oh sohte me paisuwed nan pwungarail” (Moses 7:18). Ia mwomwen atail kak wiahla ehu?
Elder M. Russell Ballard en Pwihn en Wahnparon Ehk-riemeno mahsani: “Nan werengen pato en Wai atonement mie ehu pato one [ehu]. Ma sampah pwon wehwehki met, sohte mehmen me kitail pahn sohte katapaniki sohte lipilipil ah sounpar, mehn ia, lih de ohl, ah palien lamalam, de lapalap de kepwehpwe. Kitail pahn nantieng en alasang Sounkomouro me sohte kin kailok, liaktohrohr, kasohwahu, de sohte katapaniki mehteikan.”1
Presiden Henry B. Eyring, Sounsawas Keieu nan Presidensi Keieu, padahngki me: “Wasa me Ngehno kin tih pohn aramas, [irail] kak kasik ehupene. … Ngehn en Koht sohte kin kahrehda uhpene (tehk 3 Nephi 11:29). … E kin kahluwa lang meleilei oh pepehm en ehuong mehteikan.”2
Me pid kahpwal kan en nan peneinei, Carole M. Stephens, me wia Sounsawas Keieu nan Presidensi Lap en Pwihn en Sawas en Lih patohwan: “I sohte iang momourki mour en aramas me mweisang ahr pwoud, kehn kamedek oh kasaloh en aramas me lekidekla, de ahneki pwukoah me nohno kiripw kan kin ahneki. I pil saikinte ahneki kapwal en nei seri mehla, sohte kak neitik, de men pwoudiki emen lih. I pil saikinte ahneki kahpwal en wiekaula, soumwahu doar, de sohla kak pitsang dahme I ahnlahr. Mepwukat sohte wia ahi irehn kahpwal kei.
“… Ahpw sang ni pein ahi kasongsong oh kahpwal kan … I tungoalenkidier wehwe mwahu sang Ih me keting mwangih soahng pwukat. … Oh pil patehng, I kehnehr soangen kahpwal pwukat koaros me I kosoiahier sang ni ahi kin patehng nei serepein men, nohno men, nohno kahlap men, riei lih emen, me I pahn nohnohki oh kempoakepahi men.
“Atail ansou mwahu nin diwen atail wia sapwellimen Koht lih en inou kei kaidehnte kitail en esehlahte sang pein atail kahpwal kan; ahpw kitail en miniminieng ni wehwepene oh limpoak ni atail kin sewese towe teikan en peneinei en Koht nan arail kahpwal akan.”3
Iren Pwuhk Sarawi Kapatapat oh Iren Kepehse
© 2017 by Intellectual Reserve, Inc. All rights reserved. Ntingdahr nan USA. Mweimwei en lokaiahn wai: 6/17. Mweimwei en kawewehdi: 6/17. Kawehwehpen Visiting Teaching Message, September 2017. Pohnpeian. 97926 885