Mulwol ni Ngan Fil ni Ngan Nang, September 2017
Ko Ta’areb e Gumircha’
Meybil nag e pi babyor ney ni gabe fil ni nge yog e lowan’ ngom ma kag fil ngak be’. Uw rogon ni ngan nang fan e murwel ko Relief Society ni ngan fal’eg rogon e pi rugod rok Got ko fapi taw’ath ko yafos ni manemus?
Mich Tabinaew Ayuw
“Ma fare Somoel e ke pining e gidii’ rok nu Zion, ni bochan e yad nga ta’areb e gumircha’ nge ta’areb e tafney, ma yad be yan u mat’aw; ma dariy beq nib gafgow rorad” (Moses 7:18). Uw rogon ni ngad ta’areb gad?
Elder M. Russell Ballard ko fare Ulung ko fare Ragag nge L’agruwi Apostles e ga’ar: “Ko fare gumircha’en e thin n Ngalis atonement e bugithin ni ta’areb. Fa’anra gubin e gidii’ ma manang fan ere n’ey, ma dariy beq u fithik rad ni bad da lemniged, demutrug ko uw yangaren, bea’ u uw, ppin fa pumo’on, re taliw, fa gin bay riy fa ma par u uw. Ma gadad ra athamgil ni ngad fol wok gad fare Tabiyul ma dab ni par ni yiba si’in, ba thil, danir liyor, fa yibe fananikan boch e girdii’.”1
President Henry B. Eyring, Bin Somm’on e Counselor ko fare Bin Somm’on e Presidency, e fil ngodad ni: “U uw e gin ni ma yib [fare] Kan ngorad, [yad] ra thamiy e gapas. … Fare Kan ku Got e dar ma thiliyeg e ngongol rok (muguy ko 3 Nephi 11:29). … Ma fek dad ko gin nib gapas u laniyan’ dad nge rebe tafney ni gaba’dag ni ngam m’agem ngak boch e gidii’.”2
Ngug weliy marangagen e pi magawon ko tabinaew, Carole M. Stephens, ni’i pigpig ko Bin Somm’on e Counselor ko Relief Soceiety General Presidency, e ga’ar: “Dariy fan ni ngug un ko waer ko mabgol, fare amith nge thabthabil ni ma yib ko pi cha’ ni kan pag rad, fa pi murwel ni ma yib ko ni nina’ ni dariy e pumo’on rorad. Dariy fan ni ngug nang rogon e amith ku bea’ ni ke yim’ fak, fa dabi fakay e bitir, fa badag bea’ ni yoew e ppin fa pumo’on. Dariy fan ni ngug nang e amith ko pi dumow ni kugub bitir, fa ba mit e m’ar, fa ban’en ni ke mit lamen ni ngug pag. Pin’ey e dawor gu wan u fithik ni ngug nang rogon e amith riy.
“… Machane u fithikgag e pi sikeng nge magawon … kug par nga bayang ni kug ta’areb rogon Ngak ni gube nangfan. … Ni ku boed, ni kug wan u fithik gubin e pi sikeng ko girdii’ ko fapi n’en ni kafin gu mu’ I weliy u daken e pi rugod, nina, titaw, aunt, nge fager.
“Matawon dad e ba mich-ni ngan ayuweged e pi fak Got ni ppin ni gathi kemus ni ngar filed banen ko pi kireb ni yad be rin; ma ku bochan ni nge ta’areb nag dad ko pi sobutan’ nge tu’ufeg u napan ni gadad ra ayuweg bochi gadad ko tabinaw ku Got ko pi magagawon rorad.”3
Boech e Chep nib Thothup nge Mornga’agen
© 2017 by Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/17. Micheg nag i pilyeg: 6/17. Pilyeg thin ko Visiting Teaching Message, September 2017. Yapese. 97929 905