Lamharon

Ang Pagdumdum sa Ginuo Adlaw-adlaw

Mga abyan, mga buluhaton sa balay, buluhaton sa eskwelahan, TV—kadamo kaayo sang mga butang nga nagapangayo sang aton atensyon. Pero tagsa ka semana, nagapangako kita sa Amay nga Langitnon “nga [aton] pirme ginadumdom [ang Iya Anak, nga si Jesucristo]” (D&C 20:79).

Si Pangulong Eyring nagasiling nga mahimo kita “maghimo sang mga pagpili adlaw-adlaw” nga nagabulig sa aton nga madumduman ang Maluluwas. Pamensara ang paghimo sang lalab-uton sa sini nga bulan sa pagdumdum pa gid sa Manluluwas tagsa ka adlaw. Mahimo kamo maghimo sang kalendaryo kag magpangako sa paghimo sang isa ka butang tagsa ka adlaw agud pabakuron ang inyo relasyon sa Iya. Si Pangulong Eyring nagalista sang mga butang pareho sang pagbasa sang balaan nga mga kasulatan, pagpangamuyo nga may pagtuo, kag pag-alagad sa Manluluwas kag sa iban. May ara man sang pagsulat sa journal, pagtambong sa mga miting sa Simbahan, pagpamati sa pangkabilugan nga komperensya, pagtambong sa templo, pagkanta sang mga himno—nagalaba pa gid ang listahan! Samtang ginapanumdom naton ang Manluluwas kada adlaw, si Pangulong Eyring nagapangako nga “ang mga bugay … magaabot sing amat-amat kag tayuyon … [kag] magamolde sa aton agud mangin matuod-tuod nga mga disipulo sang Ginuong Jesucristo.”