Cov Hluas

Nco Ntsoov tus Tswv Txhua Hnub

Kev ntaus phooj ywg, kev ua dej num, kev kawm ntawv, TV—muaj ntau yam uas peb yuav tsum tsom ntsoov rau. Tiam sis txhua lub lim tiam, peb cog lus rau Leej Txiv Saum Ntuj Ceeb Tsheej “hais tias [peb] nco ntsoov txog [Nws Leej Tub, Yexus Khetos]” (Q&K 20:79).

Thawj Tswj Hwm Eyring hais tias peb “xaiv tau tej yam txhua hnub” uas pab peb nco txog tus Cawm Seej. Xav seb puas xav cuab hom phiaj lub hlis no kom nco txog tus Cawm Seej ntxiv txhua hnub. Tej zaum koj ua tau ib daim qhia hnub hli thiab cog lus tias koj yuav ua ib yam txhua hnub kom sib raug zoo nrog Nws. Thawj Tswj Hwm Eyring hais txog tej yam xws li kev nyeem vaj lug kub, muaj kev ntseeg thov Vajtswv, thiab teev tiam tus Cawm Seej thiab pab lwm tus. Kuj muaj kev sau hauv phau ntawv ceev xwm txheej, kev koom kev sib ntsib ntawm lub Koom Txoos, kev mloog lub tuam rooj sab laj, kev mus rau lub tuam tsev, hu tej zaj nkauj qhuas Vajtswv—thiab ntxiv! Thaum peb nco txog tus Cawm Seej txhua hnub, Thawj Tswj Hwm Eyring cog lus tias “cov koob hmoov … yuav maj mam los zuj zus … [thiab] yuav pab peb hloov los ua cov thwj tim ntawm tus Tswv Yexus Khetos tiag tiag.”