Me Pwulopwul kan

Tamataman Kauno Rahn Koaros

Kempoakepahtail kan, pwukoah kan, pwukoahn skuhl kan, kasdo—mie soahng tohto me kin kedirapwai kitail. Ahpw wihk koaros, kitail inoukihong Samatail Nanleng “me [kitail] pahn tamataman ansou koaros [Sapwellime Iehros, Sises Krais” (D&C 20:79).

Presiden Eyring masanih me kitail kak “wiahda atail pilipil rahn koaros” me pahn sewesei kitail tamataman Sounkomouro. Songen wiahda ahmw koasoandi nan sounpwonget en kalaudehla omw tamataman Sounkomouro rahn koaros. Ke kak wiahda kalander oh inoukihda en wia ehu mehkot ehu rahn pwe en kak sewese ahmw ehuong Ih. Presiden Eyring ntingihdi soahng kei me duwehte wadek pwuhk sarawi, kapakap ni pwoson, oh papah Sounkomouro oh mehtei kan. Pil ntingih nan journal, towehda kapokon kan en Mwomwohdiso, rongorong kapokon lap kan, kohla ni tehnpas sarawi, kokoulki koul en sarawih kan—dir me kak ntingdi! Ni atail pahn tamataman Sounkomouro rahn koaros, Presiden Eyring inoukiong kitail me “kapai kan pahn wawai kohdo oh leledo …[oh] pahn wekid kitaila en wiahla tohnpadahk mehlel kei en Kaun Sises Krais.”