2017
Pwoalehkipene Limpoak Irail Me Salongalahr kan.
October 2017

Iren Mahsen en Padahk en Pas, Oaktohpe 2017

Pwoalehkipene Limpoak Irail me Salongalahr kan

Kapakap oh onopki dipwisou wet oh rapahki kaweid en esehla dahme ke pahn ehukihieng mehteikan. Ia duwen wehwehki kahrepen Pwihn en Sawas en Lih eh pahn kaunopada Sapwellimen Koht lih akan ong kapai kan en mour soutuk?

Relief Society seal

Pwoson Peneinei Sawas

Presiden Dieter F. Uchtdorf, Sounsawas Keriau nan Presidensi Keieu masanih, “Ni mehlel sohte peneinei ehu me unsek … .” “Sohte lipilip kahpwal me ahmw peneinei sohsohppai, sohte lipilipil wiepe me ke pahn kamwahuihekihla, tapi oh imwilahn wiepehu iei limpoak unsek, limpoak mehlel en Krais.”1

Linda K. Burton, Presiden Lap en Pwihn en Lih me komoaldiero, kasoia: Ong kumwail me sohte kehlail nan rongamwahu wet, “Samatail Nanleng poakohng Sapwellime serih kan koaros. … Sohte lipilipil iawasa re mihmi ie—ma pohn ahlo de pil soh—E ketin kupwurki irail koaros en pwurala Reh.”2

Presiden Joseph F. Smith padahngki(1838–1918), “Mehndahte iawen ketihwo en [noumwail serih kan], …ansou me ke pahn lokaiahng irail, ke dehr wia ni ahmw lingeringer, dehr wia ni lemei, ni sohte ngene.” “Lokaia kadek ong irail.”3

Elder Brent H. Nielson en Pwihn en Isiakan kin kapwkapwurehieng Sapwellimen Sounkomouro kaweidong irail kan me neirail pihsin silper 10 oh ehu salongala: “Rapahki lau kowe diar. Ma me salongalahro iei noumw pwutak de serepein, riomw pwutak de serepein, … mwurin mehkoaros me kitail kak wia, kitail poakpoake aramaso sang nan atail mohngiong unsek. …

“I men kowe oh ngehi en alehdi kaudiahl pwe kita en ese ia mwomwen ata pahn kak kapwurehdo irail me salongalahr kan nan atail mour, ma kesempwal, kitail en ahniki kanengamah oh limpoak en Samatail Nanleng oh Sapwellime Iehros, Sises Krais, ni atail pahn poakehng, mwasmwasahn, oh awiawih me salongalahu.”4

Presiden Henry B. Eyring, Sounsawas Keieu nan Presidensi Keieu, masanih: “I kapakap kiher ni pwoson me irail kan me I poakpoake pahn rapahki oh pehm manaman en Tomwo. I kapakapkiher ni pwoson me aramas tohnleng kan pahn kohdo sewese irail, oh irail kodohr.

“Koht me ketin koasoanedier soahng koaros pwe en kapitala Sapwellime serih kan.”5

Pwuhk Sarawi oh Ire Kapatapat kan

Madiu 18:12; Alma 31:35; 3 Nipahi 13:32; D&C 121:41–42

reliefsociety.lds.org

© 2017 by Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/17. Kamanaman ong kawehwe: 6/17. Kawehwehpen Visiting Teaching Message, October 2017. Pohnpeian. 97930 885

Iren sawas akan

  1. Dieter F. Uchtdorf, “In Praise of Those Who Save,” Liahona, Mei 2016, 79, 80.

  2. Linda K. Burton, in Sarah Jane Weaver, “Sister Burton, Sister Wixom pwarek Church’s Pacific Area,” Church News,Epreil 2, 2013, lds.org/church/news.

  3. Teachings of Presidents of the Church: Joseph F. Smith (1998), 186.

  4. Brent H. Nielson, “Waiting for the Prodigal,” Liahona, Mei 2015, 103.

  5. Henry B. Eyring, “To My Grandchildren,” Liahona, Nohpempe 2013, 71.