Molaetsa wa Boporesidente jwa Ntlha, Phalane 2017

Go Nna Barutwana ba Boammaaruri

Ka Moporesidente Henry B. Eyring

Mogakolodi wa Ntlha mo Boporesidenteng jwa Ntlha

Mo phuthegong ya Sakaramente nngwe le nngwe, re na le tshono ya go solofetsa Rraetsho wa Legodimo gore ka metlha re tlaa gakologelwa Mmoloki le go tshegetsa ditaelo tsa Gagwe gore re ka nna le Mowa wa Gagwe go nna le rona (bona Moronae 4:3; 5:2; D&C 20:77, 79). Go mo gakologelwa ka metlha go tla go rona ka tlholego jaaka fa re tsaya leina la Gagwe go rona. Re dira jalo ka ditsela tse dintsi mme segolo bogolo fa re direla ba bangwe mo leineng la Gagwe, re bala mafoko a Gagwe a boitshepo, le go rapela go itse se a batlang re se dira.

Go ntiragaletse fa Ke diragatsa kolobetso ya monna yo o mmotlana. Ke ne ke itse gore ke biditswe ke batlhanka ba ga Mmoloki ba ba tlhomilweng jaaka moanamisa efangele go ruta efangele ya gagwe le go supa ka ga Ene le ka Kereke ya Gagwe ya boammaaruri. Mopati wa me wa moanamisa efangele le Nna re ne re solofeditse monna yo o mmotlana gore o tlaabo a ntlafaditswe ka thata ya Tetlanyo ya ga Jeso Keresete jaaka fa a ikwatlhaya ka tumelo mo Mmoloking mme a kolobediwa ke mongwe wa batlhanka ba Gagwe ba ba filweng taolo.

Jaaka Ke kuka monna yo o mmotlana go tswa mo metsing a bodiba jwa kolobetso, a sebela mo tsebeng ya me, “Ke ntlafaditswe, Ke ntlafaditswe.” Mo nakong eo, Ka gaokologelwa kolobetso ya ga Mmoloki ka Johane Mokolobetsi mo Nokeng ya Joretane. Le e leng mo gontsi, Ke ne ka gakologelwa gore Ke dira tiro ya go boloka ya motsogi le motshedi Mmoloki—a thusiwa ke Mowa o o Boitshepo, jaaka Johane a nnile.

Go nna le mongwe le mongwe wa rona, go gakologelwa Mmoloki go ka nna go feta go ikaega ka segopotso sa kitso ya rona le maitemogelo le Ene. Re ka dira boitshenkelo tsatsi le letsatsi fa re atumalanang le Ene gompieno.

Boitshenkelo jo bo motlhofo e ka nna go bala dikwalo tse di boitshepo. Ka go dira jalo, re ka amogela maikutlo a go atumalana le Ene. Go nna, go atumalana go tla kgapetsa kgapetsa fa Ke bala mo Bukeng ya ga Momone. Mo metsotsong ya ntlha fa Ke bala mo dikgaolong tsa ga 2 Nefi, Ke utlwa mo tlhaloganyong ya me lentswe la ga Nefi le Lehi ba kaya Mmoloki jaaka ekete ba mo itse ka namana. Maikutlo a go atumalana a tle.

Wena, mafelo mangwe a lokwalo le le boitshepo a ka go atumeletsa go Ene mo go kgethegileng. Mme fa gope le fa kae fa o balang lefoko la Modimo, ka boikokobetso le maikaelelo go gakologelwa Mmoloki, o tlaa oketsa keletso ya gago ya go tsaya leina la Gagwe mo go wena mo botshelong jwa gago tsatsi le letsatsi.

Keletso eo e tlaa fetola ka fa o direlang ka teng mo Kerekeng ya Morena. O tlaa rapela go Rraetsho wa Legodimo go go thusa mo go godiseng le e leng mo go lebegang go wena e le pitso e nnyenyane. Thuso eo tlaa a kopang ke nonofo ya go itebala le go lebelela thata mo go se Mmoloki a se batlang go bao o biditsweng go ba direla.

Ke utlwile seatla sa Gagwe le go atumalana ga Gagwe mo tirelong ya me le bana ba rona fa Ke rapela go itse ka fa nkaba thusang ka teng go bona kagiso e e tlisiwang fela ke efangele. Ka nako eo, Ke ne ke sa tlhokomele thata go bonwa Ke le motsadi o o tsweletseng, mme Ke ne ke tlhokomela thata ka ga go tswelela le boitekanelo jwa bo ngwanake.

Keletso go neela bao re ba direlang seo Mmoloki a tlaa se ba neelang go isa go dithapelo tse di rapelangRraetsho wa Legodimo, ammaaruri mo leineng la ga Jeso Keresete. Fa re rapela ka tsela e—mo leineng la Mmoloki, ka tumelo mo go Ene—Rraetsho wa araba. O romela Mowa o o Boitshepo go re kaela, go re gomotsa, le go re rotlhoetsa. Gonne Mowa ka metlha o fa bopaki jwa Mmoloki (bona 3 Nefi 11:32, 36; 28:11; Ethere 12:41), nonofo ya rona ya go rata Morena ka pelo yotlhe ya rona, tlhaloganyo, le nonofo e e oketsegileng (bona Mareko 12:30; Luke 10:27; D&C 59:5).

Masego a tsatsi le letsatsi le go gakologelwa gompieno a tla ka bonya le tsisibalo fa re mo direla, re ja ka letlotlo lefoko la Gagwe, le go rapela ka tumelo mo leineng la Gagwe. Mme go gakologelwa mo go tlaa re bopa go nna barutwana ba boammaaruri ba Morena Jeso Keresete mo bogosing jwa gagwe mo lefatsheng le—mme kgabagare le Rraagwe mo lefatsheng le le galalelang le le tlang.