Molaetsa wa Thuto ya Tekolo, Phalane 2017

Go Dikologa ka Lorato Bao Ba Latlhegileng

Ka thapelo ithute tiriso e mme o batle tlhotlheletso go itse se o ka se abelanang. Go tlhaloganya boikaelelo jwa Mokgatlho wa Thuso go tlaa baakanyetsa jang bomorwadie Modimo masego a botshelo jo bo sa khutleng?

Boammaaruri ke gore ga gona malwapa a itekanetseng … ,” Go bua Moporesidente Dieter F. Uchtdorf, Mogakolodi wa Bobedi wa Boporesidenteng jwa Ntlha. Mathata a fe a a lebaganeng lelwapa la gago, sepe fela seo se dirang go a rarabolola, tshimologo le bokhutlo jwa tswetso ke lorato, lorato lo lo itshekileng la ga Keresete.”¹

Go bao ba ba tseng karolo mo go tletseng mo efangeleng, Linda K. Burton, Moporesidente wa pele wa Mokgatlho wa Thuso, a re: “Rraetsho wa Legodimo o rata botlhe bana ba Gagwe. … Go sa kgathalesege kwa ba ka tswang ba le teng—mo kgotsa kwantle ga tsela—O batla ba boele gae.”²

“Le ka fa[bana ba gago] ba ka tswang mo tseleng ka teng, … fa o bua kgotsa o buisana le bone, o seka wa dira jalo o galefile, o seka wa dira jalo ka bogale, ka mowa wa go kgala” ga ruta Moporesidente Joseph F. Smith (1838–1918). “Bua le bone ka bopelontle.”³

Mogolwane Brent H. Nielson wa ba ba Masome a Supa o ne a gatelela kaelo ya Mmoloki go bao ba nang le madi a le 10 a selefera mme a latlhegelwa ke le lengwe: “Batla go fitlhela o le bona. Fa yo o latlhegileng e le morwao kgotsa morwadio, kgaitsadi kgotsa kgaitsadio, … morago ga tsotlhe tse re ka di dirang, re rate motho yo o ka dipelo tsotlhe tsa rona. …

“A wena le nna re amogele tshenolo go itse ka fa re ka dirang ka teng go bao ba ba mo matshelong a rona ba ba latlhegileng e bile, fa go tlhokega, go nna pelotelele le go rata Rraarona yo o kwa Legodimong le Morwa wa Gagwe, Jeso Keresete, jaaka re rata, re lebelela, le go emela sesenyi.”⁴

Mopresidente Henry B. Eyring, Mogakolodi wa Ntlha mo Bopresidenteng jwa Ntlha, a re: “Ke rapetse ka tumelo gore mongwe yo Ke mo ratang o ka batla le go utlwa thata ya Tetlanyo. Ke rapetse ka tumelo gore baengele ba batho ba ka tla go ba thusa, mme ba tla.

“Modimo o dirile ka gotlhe go boloka mongwe le mongwe wa bana ba Gagwe.”⁵

Dikwalo tse di Boitshepo tsa tlalaletso le Molaetsa

Mathaio 18:12; Alema 31:35; 3 Nefi 13:32; D&C 121:41–42

reliefsociety.lds.org

© 2017 ka Intellectual Reserve, Inc. Tetla tsotlhe di beilwe. E gatisitswe mo USA. Tetla ya Sekgoa: 6/17. Tetla ya Thanolo: 6/17. Tlhanolo ya Visiting Teaching Message, October 2017. Setswana. 97930 763