Mulwol ko Bin Somm’on e Presidency, October 2017
Ngan boed e Pigachalpen nib Riyul’
Yib rok President Henry B. Eyring
Bin Somm’on e Counselor u lane Bin Somm’on e Presidency
U nap’an e sacrament, ma bay matawoy ni yibe micheg ko fare Chitamangiy nu Tharmiy ni gadad ra lemnag fare Tabiyul nge fapi motochiyel rok ni ngan fol riy ni gubin ngiyal’ ya nge yib fare Kan Thothup rok ngodad(muguy ko Moroni 4:3; 5:2; D&C 20:77, 79). Ra ‘un lemnag ma ra yib u fithik dad u nap’an ni gadad ra fek fithngan nga daken dad. Ma buch rodad u bo’or e kanawo’ machane rib gaa’ ni ma yib u nap’an ni gadad be ayuweg bochi gadad u daken fithngan, mani bi’eg e thin rok nib thothup, ma gadad be meybil ko mang e ba’adag ni ngad rin’ed.
Ke buch rog u nap’an ni gu tawfe nag bochi pagal. Gumanang ni ke piningeg fare Tabiyul ni gage tapigpig rok ni guba tamachib ni ngug fil e gospel rok ma ngug weliy e mich rog rok nge fare Galasia rok nib riyul’. Fare companion rok ko tamachib nge gag e kug michegew ngak ere pagal nem ni ra bi’ech biyay u fithik gelngin fare Atonement ku Yesus Kristus u nap’an ni ra kalngan’ u fithik e mich ko fare Tabiyul ma ra tawfe nag beq ni’ir e kani l’oeg ni tapigpig rok.
Nap’an ni gu chibiy ere pagal nem u fithik e rran nga lang ko fare baptismal font, me kathkath nga lan tilig, “Ku bi’ech, karigu bi’ech.” Re ngiyal’ nem, me yib ngan’ug fare tawfe ko fare Tabiyul ni tay John ni ma Tawfe u lane Luul’ u Jordan. Aram rogon, ma kugumanang ni gube rin’ ba murwel ni nge gafaseg ko fare kruth nge fare Tabiyul—ni bay ni bay fare Kan ni Thothup, ni boed rogon ni rin’ John.
Ni fan ngog nge ngak bagadad nge bagadad, ni dab ni pagtalin ni fare Tabiyul e be taga’ ko tin ni gadad manang nge tin ni kad thamiyed rok. Rayog ni ngad dugliyed ni gubin ngiyal’ ya nge yaag ni ngad chugur gad ngak e chiney.
Bin ni tha’abi moem e ngamu bi’eg e bible. Gara rin’, ma gara thamiy ni gabe chugur i yan ngak. I gaag e, chuchugur ni ma yib ngog nap’an ni gura bi’eg fare Babyor ku Mormon. Gali ment ni baram ni gube bi’eg fare guruy ko bin 2 Nephi, mug rung’ag u lanin’ug laman Nephi nge Lehi ni yoew be weliy maranga’agen fare Tabiyul ni boed ni ri yoew manang ni kayad. Re thamtham nem ni gabe chugur ni be yib.
Ni boed gur, bay yuyang u lane pi chep nib thothup ni ire ba gaa’ ni ma chugur nigem Ngak’. Machane demutrug u biyang fa ngiyal’ ni gara bi’eg e thin rok Got, u fithik e sobutan’ nge l’agan’ rom ni gabe tafinay nag fare Tabiyul, ma ra mon’og e athap rom ni ngam fek fithngan nge dakenam u lane yafos rom.
Re athap rom nem e ra thilyeg rogon kanawo’en ni gama ayuw ko Galasia ku Somoel. Gara meybil ko fare Chitamangiy ni bay u Tharmiy ni nge ayuwegem ni nge tomilang e sap rom ko tin ba’ray e murwel nib achig. Fare ayuw ni gabe ning e fan e ngam pagtilinem me lagan’um boch ko pi cha’ ni be yoeg fare Tabiyul ngom ni ngam ayueweg rad.
Kug thamiy paaq nge chugur ni be tay u nap’an ni gube meybil ngak u nap’an e murwel rog ko pi bitir romow ni gube ning e ayuw ni ngug nang rogon ni ngug ayuweg rad ngar pir’eged e gapas ni kemus ni yigo gospel e ra pii’. Yu ngiyal’ i n’em, e dagur ma lemnag rogon ni ngan guyeg ni gaag rebe labthir nib cheg, ma ri gube lemnag rogon e mon’og ni ngar tayed nge rogon a par rorad.
Fare athap ni ngan pii’ ngak e pi cha’ ni gadad be ayuweg ni boed rogon e n’en ni ra pii’ fare Tabiyul ngorad e ra pow’iydad ni ngad meybil gad ni gadad be wenig ko Chitamangiy ni bay u Tharmiy, u daken fithngan Yesus Kristus. Nap’an ni gadad ra meybil ni aram rogon—u daken fithngan fare Tabiyul, u fithik e mich rodad ngak—fare Chitamangiy e ra fulweg. E Ke pii’ e Kan ni Thothup ni nge pow’iy dad, gapaseg, me pii’ gelngin dad. Ya bochan ni fare Kan ni Thothup e ire ma dag e mich ko fare Tabiyul (muguy ko 3 Nephi 11:32, 36; 28:11; Ether 12:41), ma fol rodad ko tu’ufeg ku Somoel u polo’ i gumircha’dad, tafnay, nge gelngin e ma mon’og (muguy ko Mark 12:30; Luke 10:27; D&C 59:5).
Ma tawa’ath ni yu rran nge tin nibe yib ngan’iy e chiney e ba sag’al ma ba kik’iy u nap’an ni gadad be murwel ni fan ngak, mani kay libgen e thin rok, mani meybil u fithik e mich e daken fithngan. Ma pi n’en ni be yib ngan’iy e ra ‘ing dad ni ngad manged pi tamachib nib yul’yul’ ko fare Somoel Yesus Kristus u lane na’un rok u roy u fayleng—ma migid ngak e Chitamangiy ko binem e fayleng nib fel’ ni bay yib.
© 2017 rok Intellectual Reserve, Inc. Bay mot’won ni gubin. Kan yoloey u Mariken. Kan micheg nag ko thin nu Ngalis: 6/17. Micheg nag i pilyeg: 6/17. Pilyeg ni thin ko First Presidency Message, October 2017. Yapese. 97930 905