Poraus seni Fefin Chon Amwa, October 2017
Foropacheno Ekkewe Ir mi Mwanecheno ren Tong
Anneani ekkei poraus fiti iotek me kutta om kopwe sinei met kopwe aporausa. Ifa usun ach weweiti ewe popun Fin Anisi epwe amwonata noun Kot fopun ren ekkewe feiochun manau esemuch?
Nuku Famini Aninis
“Ewe ennetin pwe ese wor famini mi unusoch … ,” Preseten Dieter F. Uchtdorf, Oruemonun Chon aninis non ewe Aewin Presetensi, a apasa. “Met sokkun osukosuk om ewe famini a mesengeni, met sokkun kopwe fori om kopwe atawer, nepoputan me nesoponon katawen ewe aninis, ewe tong mi unusoch an Kraist.”1
Ren ekkewe rese pacheochunong non ewe kapas allim, Linda K. Burton, ewe Presetenin Mwichen Fin Anisi unus me akkom, a apasa: “Samach won Nang a Tongei noun kewe meinisin. … Ina mwo ika ia ra nom ian—fetanoch ika fatenengaw—I a mochen repwe niwinsefan non nenier.”2
“Iwe nge inamo ika mi weires [noum kewe] om kopwe emweni manawer, … nupwen ka urenir kapas me porous ngenir, kopwe fori non om kosap song, kosap rochongaw, non ew emwen esap emwenien ewe ngun,” Preseten Joseph F. Smith (1838–1918). “Kapas ngenir non umoumoch.”3
Elter Brent H. Nielson seni ekkewe fik a eniwini sefani an ewe Chon Amanau ewe kapasen aurour ngeni ekkewe a or nour 10 foun siniver o ra poutano efou: “Kutta tori om kopwe kuna. Nupwen ewe mi mwanecheno a emon noum at ika nengin, pwim ika mongeom, … mwirin meinisin sia tongeni fori, sia Tongei ena aramas fiti ennetin netipach. …
“Amo en me ngang sipwe angei ewe pwarata ach sipwe sinei ifa ussun auchean foforun ach sipwe porous ngeni ekkewe mi mwanecheneo mi auchea me non manauach, nupwen epwe tufich, epwe wor nikitu me tongen Samach won Nang me Noun we, Jises Kraist, nupwen sia tong, nenengeni, me uti ewe onusumwanin mettoch.”4
Preseten Henry B. Eyring, Aemonun Chon Aninis non ewe Aewin Presetensi, a apasa: “Uwa fen iotek fiti nuku pwe emon uwa Tongei epwe kutta me mefi ewe manamanen ewe Achasefan. Uwa iotek fiti nuku pwe ekkewe chonangin aramas repwe feitto ren ar repwe aninis, iwe ra feitto.
“Kot a fen forata kokotun an epwe amanawa noun kewe meinisin.”5
Pwan ekkoch Uwokisin me Porous
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/17 Kapungunon awewen: 6/17. Chiakun Visiting Teaching Message, October 2017. Chuukese (Trukese). 97923 901