2017
Ndinyime Ndibiom Mbiomo Kiet Eken
December 2017

Etop eke Ndikise Iban, Ofiong Duopeba ke isua 2017

Ndinyime Ndibiom Mbiomo Kiet Eken

Bong akam kpeb nkpo emi ndien yom ifiok eke spirit ke ndidiongo se ekpebuanade. Didie ke ndifiok utom Nka iBan edibenge ndito-iban Abasi ono mme edidiong eke nsinsi uwem?

Mbuotidem, Ufokemana, Unwam

“President Thomas S. Monson odoho ete ke, “Mbonowo emi eyomde ntingenyin, osongo, unwam, ndongesit, mfonido nnyin ewak eti-eti.” “Nnyin idi ubok ino Jehovah mi ke isong, ye ewuho ke ndisin unwam nnyung mmenere ndito Esie. Enye enyene idorenyin ke idem nnyin kiet kiet.”1

President Henry B. Eyring, Akpa Onoitem ke First Presidency, odoho ete ke: Akamba ukpuhore ama otongo ke esit mbufo kini mbufo ekedukde Ufok Abasi emi. Mbufo ema enam ediomo, enyung ebo unwongo emi okotongode edikpuhore ata uduot-obot mbufo. …

“… Mbufo ema enwongo ete ke mbufo eyenwam Jehovah ke ndinam mbiomo [mbon efen] efere enyung eno ndongesit. Ema eno mbufo odudu man enwam enam mbiomo oro efere kini emi mbufo ekebode eno Edisana Spirit.”2

Jean B. Bingham, Akwa Adaibuot Nka Iban odoho ete ke, “Nnyin iyom ndida unwana iko Abasi man ikut mbon efen nte Andinyanga okokutde—ke mbom, idorenyin, ye ima.” “Usen oro eyedi emi nnyin idinyenede oyoho ifiok kabanga esit mbon efen inyung ikop inemesit ke ndibo mbom emi edinyenede ino nnyin—ukem nte nnyin inyenende ekikere ye iko ima ino mbon efen.”

“Ubiong ye ifet nnyin edi ndiyiri nam ofon ye kpukpru owo ke nte nnyin idomoke ndikabare mbiet Andinyanga nnyin ofon.”3

Ke nte nnyin ibiomde mbiomo owo efen inyung inam ediomo nnyin, nnyin imebere usung ino Jesus Chrsit ndikok mbon efen. Elder Jeffery R. Holland eke Eboho mme Apostle Duopeba ekpeb ete ke: “Ndikere-mbanga ekom-urua Edikong-ke-cross ye Erisio-isop Christ emi nnyin mikemeke ndifiok, ami nnwongo nno mbufo nte ke Enye idiwongokere edem Esie ikpong nnyin ke idahaemi.” Ke ini Enye odohode mme andibuene ke spirit ete, ‘Edi etiene mi,’ Enye odoho ete ke Imo imediongo nte usung oro ediworode onyung odiongo nte usung oro akade. Enye odiongo oro koro Enye ama asanga ke usung oro. Enye odiongo usung koro Enye edi usung.”4

Mme Ndadian Itie Nwed Abasi Efen

Matthew 25:40; Galatians 6:2; Mosiah 2:17; 18:8–9

© 2017 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Edikabare Etop eke Visiting Teaching Messag, December 2017. Efik 97929 553

Mkpri nwed

  1. Thomas S. Monson, “Nam Utom nno Abasi ke Ima,” Liahona, Feb. 2014, 4.

  2. Henry B. Eyring, “Iberedem,” Liahona, May 2015, 18.

  3. Jean B. Bingham, “Ami Nyeda Unwana Iko Abasi Nsin ke Ufok Mi,” Liahona, Nov. 2016, 6, 8.

  4. Jeffrey R. Holland, “Ndidiong mme Nkpo Emi ama Akabiara,” Liahona, May 2006, 71.